Qhuni sbeyuk
Qhuni sbeyuk （赤楊木）
[smmalu patas | ida npatas sspgan ka smmalu patas]Sbyekan daha da knbdurah dheran ka Seediq. Dheran snbyakan pkmalu dheran ma ngungalan daha ppuqun; malu kana pnhmaan, kiya ini pgedang ppuqun ka Seediq mdrumuc na mqeepah mesa rudan.
Ndaan ni, laxan neepah qnpahan, sbyekun daha ma musa knbgurah knrmanan daha dheran snbyekan. Rmengo rudan ge, kesun sbeyuk nii, hmeri malu sbyekun mesa.Anu leexan ngngalan sphuma. Dheran ini sbyeki, naqah naq phmaan , ini eyah ka pnhuma mesa. Kiya spruun riyung mita na ka rudan cbeyo. Sbeyuk, hmneru naq duma, nyupan bgihur ka rehak na! Duma ge, musa mangal rehak ma dngeyan daha ma, haan daha dmeun. Dneeran meniq so qeting, ini beyo hmeru ma, meniq so thdagan mdengu hari, mtara quyux skdakil. Haan daha mhuma. So nii ka kari rnengo rudan biciq nami ciida.
Meniq ka so qeting ini beyo mtakil ka sbeyuk. Meniq leexan thdagan ge,dehuk rima hari knkawas ka kndkilan na. Spruun riyung rudan ka mhuma sbeyuk nii. Dmoi dheran ma pkmalu hreyan kana mllamu ppyahan mesa.
Qmuyux ini pdai mapa rnecux, kika bblequn daha riyung mharac ka dheran. kana macu, sari daan daha mhuma bobo harac. Kana bunga tumun, qucur, lamulamu ini naq kgedang ppuqun daha rudan cbeyo. kesun so sbeyuk nii duri, hmiti kari laqi, “Netun namu laxun neepah, sbyeki. Ini sbyeki de, naqah ka pnhuma. Uxe namu mqita ppuqun.” mesa. kiya mesa rudan, “plaale so rmiyux qnpaahan, haan mu snbeyux ka dheran mu kiya. Snbyekan mu so ciida ka kiya we, baka naq saan mu so knbgurah.” mesa hiya.
Pnyahan pnataas(資料來源）
[smmalu patas | ida npatas sspgan ka smmalu patas]台灣原住民族歷史語言文化大辭典 http://210.240.125.35/citing/citing_content.asp?id=3685&keyword=%A8%AA%B7%A8%A4%EC
Awe Nawi, Pidu Nokan, Robo Nomin, smneeru; Aking Nawi smtetur matis