Qhuni bruling

Qhuni bruling(通條木)

Qhuni bruling ge, qhuni llebu hari, egu ccida hnreyan, ma ccida na sduduy mquri dheran truma. Qnedis msderux so ka rrmuxan ka cida na qtaan. Kiya ka kesun daha “ qhuni tnleelu ” ka mlawa ngayan na.

　　Mgceyas pnugsama mphepah da mprbagan, so ba lnihu knkkingal sqeya cida baro hiya ka hei na, mntena ba ka so lnhugan sdoduy ssrugan knkingal baro hiya peni. 　

　Mtumun so pntmuwan ka hei na, knkkingal ptbeku ttuwax na. Rbagan mqhada ciida de, mgsama mttumun mntena ba ka qaqa paru hari mtumun peni; Mgqalux hari ka taan da mhada bale. Biciq ma ani knkana ka hei na pntbeku hnreyan.

　　Kretun keruc ka qhuni bruling nii de, qtaan yxeyux na mgbhege, skeruc ka icil na duri, pckulan qreti yexun sppeeyah nganguc, asi tneelu mreemux mtuting meyah kana. Ngalan qndisan ma so puto, pkcaan pusa truma na ka qreti, pgriqun ptlangun quri berih, spgeriq thiqan so ka gukuc rulu tmediq; niqal ka pexun kexil baga spiilo quri berih, taan knthuyan duri. Nii ka ngngalan tthiqan lqlaqi alang.