Qbulic

Qbulic(石朴)

Qhuni msderux ka qbulic, ini hari trehak ka qhuni na, kuxul riyung yahun mekan brihuc ma qbheni ka hei na. Msdheriq ma mgsama rako na waso na, kiya uuqun na kui plale duri.

Kari ta ita Tgdaya ge, “qbulic” kesun ta qhuni nii. Slmeun daha qbulic halung dooyan baga halung ka qbulic na qhuni nii, kika kesun daha qbulic. Msderux ma saadux ka qhuni na qbulic nii, ngalun daha pheyu eruc sapah, slmeun dooyan halung ma riduy parih.

Malu riyung pthuun puniq na qhuni qbulic ma ngalun daha pbhege ware ttinun pala duri. Nii ngalan daha hmanguc ware nuqah mqedil ge, mangal qbulic pnthuan ma sgimax qsiya hmanguc ribo paru, hmanguc ciida ge, asi naq ktnaun iicux ka ware nuqah kiya, ado ini so ariq qqtaan ka rako na denu. Saan smino qsiya ka ware nuqah ma pdhagun ngerac, mdengu ge, mgbhege ka ware nuqah dhenu.