Qbhuni sisil
Qbhuni sisil (靈鳥)
[smmalu patas | ida npatas sspgan ka smmalu patas]Kndsan rudan Truku sbiyaw ga ana manu euda o asi ka smtama musa qmita sisil han, yaasa hniyun dha miyah pgkla euda dha malu ni naqih ka kingal jiyax siida.
Gaya pssisil (靈鳥的規則)
[smmalu patas | ida npatas sspgan ka smmalu patas]
Mkleelug musa qmpahan musa daya siida ka rudan Truku o asi ka qmita sisil, mha malu bi nusa dha qmita wauwa o qmita sisil han, mkleelug siida, nasi miyah gmneetuq euda dha ka sisil ga kibnrinah dha miyah sapah saw kiya ka musa tmsamat uri. kiya ka kiya ni ini dai qmita sisil kkla matas,muda rmigaw danger qowlit o ini daani qmita sisil uri.
Hiyi qhuni uqan bi sisil (靈鳥喜歡吃的樹果)
[smmalu patas | ida npatas sspgan ka smmalu patas]Kuxul ni uqun sisil ka hiyi qhuni o hiyi sangas ni bruling ni kliyut,manu kika rudan Truku sbiyaw o lala pnhuma dha qhuni sangas ni bruling ka llingay sapah dha, kiya do llingay sapah rudan Truku sbiyaw o lala bi qbhnimeuyas hiya. wana haya dmhagan rudan Truku ini lu csdamat lnglungan dha ana taxa bi mniq sapah.manu saw kiya rudan Truku sbiyaw ga seuda dha bi psluhay qmita sisil ka laqi snaw. qulung mlatat mkleelugka rudan Truku sbiyaw o smtama balay sisil kklaan dha saw euda.
Quri tmsamat (狩獵)
[smmalu patas | ida npatas sspgan ka smmalu patas]Musa bbuyu musa rmigaw qlubung samat o uda qmita sisil han,maangal ni aji maangal samat ka rudan Truku sbiyaw o asi ka qmita sisil. Kndadax paah sapah ka rudan Truku sbiyaw o stghuy sisil mkleelug btaq qrunang.
Malu nksa (吉利)
[smmalu patas | ida npatas sspgan ka smmalu patas]Musa bbuyu siida smpusu narat ni smntuku iril ka sisil o mha malu bi nksa dha, duri ni smpusu narat ni smntuku iril ka sisil o kika maangal lala samat, nasi smpusu narat ni smntuku iril la sisil o mha malu euda su.musa su qmpah aji uri o musa bbuyu, nasi smpusu narat ni smtuku iril ka sisil o mha malu nksa su ni mtduwa su mquri brah musa. nasi smpusu iril ni smntuku narat ka sisil o malu ka kiya.
Aji malu nksa (不吉利)
[smmalu patas | ida npatas sspgan ka smmalu patas]Mkleelug siida nasi smpusu iril ni smntuku narat ka sisil o asi brinah miyah sapah, nasi smpusu narat ni smtuku narat ka sisil o aji malu,asi brinah miyah sapah.nasi gmeetuq brah su mtbbrih skaya ka sisil o aji malu asi brinah miyah sapah.
Iya pskeiyux (不要逼牠)
[smmalu patas | ida npatas sspgan ka smmalu patas]Kiya ka kiya ni iya bi qhuri btunux pskeiyux quri smpusu narat ka sisil,ana su si haya o ida su aji maangal samat ki da.
Musa qmita wauwa (提親)
[smmalu patas | ida npatas sspgan ka smmalu patas]Mha malu ka nusa dha qmita wauwa ka rudan Truku sbiyaw o asi ka musa qmita sisil han.
Pnyahan kari(資料來源)
[smmalu patas | ida npatas sspgan ka smmalu patas]Yudaw Pisaw ni Iyang Taying，2010，口述資料。
Iyuq Ciyang，2014，整理 ==