Qabang ni Lukus
Qabang ni Lukus (布毯與衣服)
[smmalu patas | ida npatas sspgan ka smmalu patas]rudan Truku sbiyaw o hmaun dha truma qdrux ni lnglingay sapah ka krig, kiya o prilan dha qmada sudu ni qbulit, kika malu bi kndkilan na ka krig msa ka kari rudan. Kiya do kykuyuh o madas gsak ni saan dha smkrig ka krig, kika maanuqih, qnqihan o maabkuwir, bnkuwir do tgyaan, tnegiya do pdowsan, pndowsan do puyun qbulit ni maabhgay bi waray cinun.Babaw na nii gdrdan dha tnabuy masu, kkhnuk na tunan.Hiya na do psudun, pnusut do dgsayun, dnegsay do psaun ubung ni tunun da, tunun do maatnegxal, dha tnegxal o maakingal qabang da. Lukus kuyuh o niqan pala, usux, pdagit, habuk.Lukus snaw o niqan pala, habuk, towrah. Kykuyuh Truku o asi ka mkla bi tminun ni pmiri. kiya ka kuyuh maaTruku balay,duri o hbaraw bi risaw ka miyah smsungut dhyaan,mtduwa muda hakaw utux ka babaw mhuqil.
pnyahan kari
[smmalu patas | ida npatas sspgan ka smmalu patas]- 金清山. (2011). Wikipedia 維基百科 族語詞條試寫─原住民族語詞條 2011作品集. 教育部.