Ptasan dqras

lala bi klgan seejiq o niqan matas dqras ka gaya dha'. seejiq Truku uri o niqan saw ni ka gaya dha uri. Pgaya matas dqras ka Truku o niqa balay pnegluban na kingal hnyigan seejiq, asi ka mgmeenu ka seejiq o kika mtduwa ptasan dqras hug? Kiya o laqi kuyuh ga asi ka mkla tminun, mmkay ni mhuma pnegalang, snaw o asi ka mkla tmsamat, tminun qngqaya. Manu saw kiya ni ptasan dqras o paru balay pnskraya niya. Seejiq Truku o nhdaan kndsan dha o asi ka muda hakaw utux ka utux dha, rudan o skwada ka seejiq o ini ksa wada mhuqil, wada plealay mhuma bunga msa. Skwada ka seejiq o utux dha o asi ka muda hakaw utux, Kika mtduwa dhuq mseupu utux rudan. Ptasan dqras ka seejiq o paru balay pnskraya niya kkeudus utux niya. Manu saw kiya ni ptasan dqras o Kika pusu balay bhragun kana seejiq Truku. Knsyangan ptasan o kuyuh o ptasan pnglux ni dqras, snaw o ptasan pnglux ni bkluy. Pnskraya na knxalan sayang o kkdrumut ta qmeepah ni kksuyang kana lnglungan t aita laqi Truku.

pnyahan kari

• 張素瑞. (2011). Wikipedia 維基百科 族語詞條試寫─原住民族語詞條 2011作品集. 教育部.