Pspung ni pgkla knkla kari seejiq tnpusu

pspung ni pgkla knkla kari seejiq tnpusu(原住民族語能力認證)

Klaun mu o kari Truku o jiyun ska ruwan sapah nanak, ini jii musa ngaunt. Bhangan seejiq do o ksun ta dha, ksgun ta rmngaw ka kari mu Truku. Hici do shngiyun mu ka kari mu da. Kmpriyux ka knxalan, prajing smluhay kari ta nanak.

Paah 2001hngkawas prajing pspung ni pgkla knkla kari seejiq tnpusu. 行政院原住民族委員會(行政院原住民族委員會)(prajing pstutui klgan kari seejiq, spruun na balay qmita, saw sklwiyun knxalan ka nii. Pspung ni pgkla knkla kari seejiq tnpusu, smpuru na 14 klgan seejiq 42 klgan kari , iyuh na aji pedang klgan kari ni tnslhayan.

Spowda na saw nii kari klgan do duwa srisuh da, mnda kana dmppatas ni rdrudan alang. Mtbbrih mpprngaw nima patas da, tduwa hciyun lqlaqi hici ni tgsaan laqi hici. wada muda saw nii uri ni qlaun thowlang mklawa ka lnlungan seejiq tnpusu, phiyu kana mtgsa kari klgan. Tmgsa klgan kari ni klgan tnslhayan, tmgsa endaan ddrudan, tgsa dha dqlaqi alang.

Pspuung ni pgkla knkla kari seejiq tnpusu, nii o dmudug gkla kari ta nanak. Btasan uri o psruway mku jiyax slhayan kari klgan, qmangaw mnda pspuung ni pgkla knkla kari seejiq ka mtgsa ni pslhayun na kana, malu balay ka bnnku saw nii. Pspuung ni pgkla knkla o uxay msriqu, aji ka mslxan uri, niqan bi rmun ta smtrung. Lala bi ka erug slhayan pnnhulan ni psliyan ni slhayan ptasan ka saan smluhay.

Pusu balay qpahun seejiq knsxalan sayang ka lmutut kari klgan, gkla rmngaw kari klgan seejiq o asi ta ka muda kana. Txtaxa muudus ska Taiwan hini o ppsluxay ta snparu qmita, muda pspuung ni pgkla knkla kari seejiq tnpusu o krana gkla embahang rmngaw smpug rmisuh, kiya ni mtrura kika klgan seejiq maangan kari ni mrmuh ska kndsan, mqaras smmluhay.

pnyahan kari

• 鍾王秀娟. (2011). Wikipedia 維基百科 族語詞條試寫─原住民族語詞條 2011作品集. 教育部.