Prihuc(羅氏鹽膚木)[smmalu patas | ida npatas sspgan ka smmalu patas]

Qhuni prihuc o kari Seejiq/Seediq/Sediq, Tayal o ksun dha“ piring”, ida egu klgan ka kari Tlu uri. Kiya ni hbaraw bi sejiqun ga kuxul dha balay ka “qhuni prihuc”. 　

　Smkila bi bbuyu ni mrusaw dxgal Taywan ka pusu qhuni prihuc nii, ana inu ida qtaan balay. Tmphpah embhgay phpah ka jiyax krpuhan, mghiyi idas maxal dha dhuq babaw hngkawas na idas kingal. Ida smkuxul bi mniq thdagan bi nniqan ka hyaan. Babaw rabu hiyi qhuni prihuc nii ga embanah qtaan, mhru nanaq saw cimu spihan, embhgay qtaan, kiya ka seangal dha cimu mniq alang dgiyaq sbiyaw. Kiya ka “qhuni cimu qraqil” ksun dha. 　　

Seuxal han o smcimu hiyi na ga ngalan hlama smpih laqi alang. Hiya ga kika pusu bi gmaxun qsiya pmahun dapa empqpah sapah uri. 　　