Pnsltudan kari nTekung-Thau

Pnsltudan kari nTekung-Thau ( 貓頭鷹傳說-邵族)

Cbeyo mesa si, niqan kingal laqi mqedil alang nThau si. Yawada humuwa asi luk paru nbuyas na gaga skpahung di si, menaq ooda so nii si, pgyaun riyung qmita Gaya ndThau si. Kiya ka phlisun ma pswayan daha ini daha supui si.

Bobo na de, ya naq wada msiqa ma spooda na keeman wada naq qduriq quri ceka llmiqu si, bobo na di si wada daun mnetun seediq tncamac, tena wada huqil naq knsekuy so dgiyaq baro di si.

Ani si, bobo nqhilan na si, hei na wada inu muwa mgtekung di si. Kndalax ciida, netun niqan seediq so ga skpahung ka tnalang daha di si, mosa skiya bobo dnamux ma uxe de mosa bobo cida qhuni ssiyo sapah daha hiya lmawa muuyas, so bale ga pgkela mqedil ga skpahun mesa tai hari ka hei su, ma madi so knbleqan mnadi na. Netun so ga muuyas berah sapah si we, mptuting laqi mqedil denu mesa si, netun so muuyas bukuy sapah si mptuting laqi rseno kiya di mesa si.

Mnegu so nii meyah ptqita, kiya ka kndudul snhei kari rnngagan na seediq mgcebu di, kiya ka ngalun daha so qbheni malu kaTekung di, ma sprun daha mita ma qmlahang di.