Pnngalan kari pnsltudan sediq uxiyux

Trahuc ribaq dwiyaq way pa, niqan sediq uxiyux mneniq hiya. Llbu hnyuwan dha, beytaq balay brah so dsediq ka hnyuwan dha, binaw bbaraw balay ka putting dha. Niqan kingal  diyax, musa umalak tunux ka duita Sediq, mhraw bukuy ka dhiya. Cka rabi cida u mrmux mtaqi sapah tiping ka ita Sediq, kiya mi ptahu puniq ssiyaw hiya. Dsediq uxiyux kiya u paqun dha ka uruc sapah tiping, mtqraq ka sapah dmi wada ripun ka ita Sediq da, kiya u dsediq uxiyux ni hay asi kuruc nbuyas dh, beytaq wada mkan rumul uri da. Ita Sediq pa hay musa hiya umalak tunux dungan, niqan so ndan cnduray daw wada mtkla da, dmuwi qhuni ngalan dha dsediq pqrbling pniqun dha cka sapah tiping. Mntna so brah dungan,wada dha paqun dungan ka uruc, mmeyyah balay mrmux kcka sapah ka dhiya cida, posa budi ka duita Sediq, wada dha phqilunkana ka dhiya da.