Pnngalan kari pnsltudan qridin mi kumay - Sediq (女人與熊-賽德克族)

Cbiyaw pa niqan taxa qridin mapa hiyi camac dnnganan,alaw malu bay sknxan ka hiyi kiya, so kiya, smknux ka kumay da u, kiya ka smpusal msluluy qridin ni. Kman cida, mkrabi murux mtaqi siyaw beyhing tasil ka hiya, nisu ptahu puniq ka hiya cida, asi lux niqan kingal hnang, klan na mbahang hnang kumay ka kiya. Kla bay ida wisu ming knux hiyi camac ka kumay mi smnul hiya. Kiya mi micu ka qridin kiya da, lmngelung ka hiya:“ Akay biraq! Mphuya ku da?” Malu bay niqan kal puting na. Malu tunux na ka qridin kiya wah! Mniq ruma ka hiya, wada msdalih balay ka kumay, mtutuy ka bawa kiya cida, kasi qraq kingal puniq mtutuy ka hiya, sqama ka ubal kumay da, so kiya u cmahu puniq psqama ka hiya. Bukuy daw uxay biyaw mqdu ka puniq da u, micu ka qridin da. Lmngelung ka hiya:“ Nasi uka puniq daw, qulung bay miyah qmraq knan ka hiya da.” kiya u hmluq puting ka hiya, mbahang hnang hmlqan puting ka kumay da u asi qduriq da, wada mblayaq ka qridin kiya da. Kla bay kiya ka kcun na kumay, micu hnang hmluq puting ka kumay.

(參考資料)

翻譯老師: Watan Diro /編輯手:Robaw Saku 陳淑微