Pkmalu nniqan na rdrudan tnburux (老年獨居安全)

Kndudul rudan ma knpriyux ka tnsapah,mrana ka rsriso ini psterung duri,kii seediq knrrudan ka mkrana di.Lmngelung ta so kesun muurux naq meeniq ka rdrudan nii we hmuwa ta krmanun netun ini ptbale? Pgklaan sepac so nii :

Pkmalu nniqan:Smalu kesun pkmalu nniqan seediq brexan.

1.Kcugun so hnqilan muurux, asi ka Pggaaluk ka pnsgluban seediq ssiyo sapah.

2.ni ekan uuqun dmeluc, sbciqun mekan uqun.

3.Posa siicu sdheriq qlqahan,slmalu sddoyan pwakun baga kii ini kdakur.

4.Paha qyqeya asi psetuq ka puniq ado kcugun psqama nniqan.

5.Ye baka ka nmahan qsiya rbagan ma tltei ka nniqan.

6.Spooda kikai kawkoci, kklaan hmetur smdiyan naqah ndaan.

hbangan: Pkraman naq hbangan han.

Kika snpusu oda kesun rudan brexan na, asi naq pkraman hbangan. Netun ini dehuk de(Niqan qnraqil de),ye malu ddalan naq dangi daha ka dadal,ani si nniqan ma uuqun,so ka ido mgrebu ceka naali ma bbiyan,kana kesun sbege ta pila gasu ma denki qsiya peni, ptnai mege kana kiya de maha phridan hari ka bbiqun denu.

Qcahur: Skadi naq skxulun, pggalauk pnsgluban sseediq.

Ini hari sterung seediq ka rudan mburux de ma ini pprengo sseediq ma uka naq pprngagan daha duri peni, uxe wano kesun sabisi lnglungan daha, so hari seediq kesun uka dndungus di, tnngayan na kesun “Sehwe kurikan”ka seediq Tanah Tunux so nii.

knkere hei:Belyaq meekan ma mosa mkkesa tikuh nganguc.

So nii moda qrequn ka Tanah Tunux,pnaqah hei rdrudan ka bsiyaq naq murux meekan.Kika ado leexan ba pnsramal uuqun ka rrudan murux,sleexan(kantan日) ba phpure peni,ma ida naq kiya ka puqun daha duri, kika leexan bale phpure, mphridun daha uuqun klegan duri,ini baka ka eyo ma scuqi bsiyaq ka uqun ma uxe hani nngalan ka ssama duri, ini beyo pknarux so kiya.

Mosa nganguc ma pstaring ,so kiya pbeyax hei ma niqan bale gntange peni. Pkrudan ka knxalan saya de, so seediq ssiyo tnsapah ta ka so hari “tnsapah” ta duri di, msbleyaq ma mpgaalu ma mddayo peni,maha pkbeyax ma pkmalu hei kika so nii,bale ba niqan bale dungus na.

Pneyah : Kangcyen