跳至內容

Patis dqeras

Pnyahan Wikipidiya

Patis dqeras(紋面)[smmalu patas | ida npatas sspgan ka smmalu patas]

Kingan mqedin niqan patis dqeras

Dehuk maxal mmteru, maxal mmsepac knkawas laqi mqedin seediq, asi daha pkrmaun matis dqeras mmusa seno. Mkela mita laqi mqedin mtduwa daha ka laqi mqedin mmhemuc ka seediq, kndalax rako pntasan dqeras daha klaun daha mita malu ma naqah ndaan laqi mqedin mesa rudan. Taun daha “amah” rako patis dqeras laqi mqedin, asi daha kulai naqah mmhemuc theyaq rseno nganguc laqi kiya. Rseno seediq snkuxul mangal weewa mtduwa ini mmhemuc. Ini daha ngali weewa mmhemuc nganguc; asi ka rudan hari do, ngalun rseno so ka rseno mqrinuc wada gedang mqedin ma so ka rseno rudan mngangah. Malu taan mqedin pntasan dqeras sa, rudan su do ini tai kerung dqeras su sa. Maanu spatis daha dqeras: xiluy ma pako mudu sbetaq daha matis dqeras, saangal daha bagah kndalax rqeda psrako ma qbulic skruwa daha iyu sricuh daha dqeras icu daha kbeeba. Maha hari kingal gdregan ini daha pusay nganguc ka weewa hani pntasan dqeras.