Pala ratu

Pala ratu 緯挑編織：蓋被

Pala ratu nii de ndan miri budi ma qreti, mangan budi gmao miri na kiya ka paru ka snalu na doriq. Wino bale qalux ma bhege daha ka rako na, ini egu klegan ka doriq na ma, daha bale ka rako na duri, malu riyung qtaan. Cbeyo de ngalan daha pacing hulaun daha, saya de niqan so mqedil sluhe miri so nii ma, ptasun daha kari ncubeyo, maluqtaan duri.

Pala ratu nii, tninun miri duri, Seediq so alang de ngalang daha pacing tninun nii. Pala ratu nii, ndaan miri ware qalux ma, ini pntena kana snalu rako kkkingal mqedil, ani si mntena tnugo miri doriq pparu ma biciq kana. Rako nade qalux dah aka bhege ka mlutuc snalu rudan cbeyo.

Pala ratu nii pacang ratu kesun daha duri, anu ngalan daha pacang hlaun hayan.

Pala ratu nii, ware na sulumeun daha so qtehun hari, kika tninun daha pacing nii de, mknedux hari duri, ki malu so hlaun.

Rako daha cbeyo de, gino hari qalux ma bhege, anu uka naq brigan wale cbeyo han. Saya de egu brigan ware ma, egu ka ini pntena kklegan na ware nii duri, ki kndudun so mrna kana snalu daha ka pacang ratu nii saya.menaq tqwilaq, menaq mgtanah, menaq mgsama duri, so mmari hari qqtaan, ani si kingan pacing ratu nii, gino bale daha rako na, ini keengu, ani naq snalu daha saya, so kiya kana.

Pnyahan pnatas(參考資料）

伊婉貝林、鄭光博2014<文化部文化資產局「賽德克族傳統織布工藝與Puniri編織技法文化資產調查」報告書>，未出版。

曾麗芬，2013〈賽德克族傳統織藝：Puniri的研究〉，原住民族文獻會期刊，原民會。

王梅霞、伊婉．貝林，2012，〈文化動起來－賽德克族文化產業的研究〉，頁233-86，《民俗曲藝》176期。

蔡玉珊，2006，《台灣原住民織物：織紋結構與圖案分析：泰雅族篇》，台中:台中縣立文化中心。