Pala paru

Pala paru （揹帶）

Rako pala paru nii mntena hari pala pungu, ini na pntena de gaga so ckceka na hiya. Pala paru nii niqan dngese na ware qalux duri, kiya ka teru ka qarux na heya ma, daha bale ka na pala pungu. Pala paru nii de slmeun daha lubuy tqiyan laqi, sbilang laqi ma, ppaanun qyuqeya, malu doun mqedil.

pala paru nii, malu daha paanun laqi ma sbilang daha lubuy laqi duri. Cbeyo mosa neepah ka tama ma bubu, niqan so laqi daha biciq, ado so mtaqi de sbekuy daha qhuni siyo hiya ka pala paru, slumeun daha lubuy, ptqiyan daha laqi. Anu ini sttheya, malu daha qlhangun ka laqi, lmingis de ini daha beyo bhangun ka laqi gaga lmingis, saan daha qmita dhenu.

Laqi so gaga taqi lubuy hiya duri, aninaq knpriyux icin mgugelu hei daha, ini kcugui mtuting dheran ma, aninaq bbaro bnkeyan duri, uka na brahan lnkala ka pala paru nii, kiya klaun daha uxwe ptakun dheran ka laqi nii, mkdenux bale ka pala nii. Pala paru nii duri malu bale paanun qyqeya, ciida mosa gmabil(?) srqemu ciida ka bubu mu, meyah sapah de psaun na pala paru hiya ka duma srqemu ma paanun na tunux na ka meyah sapah. mosa miya mangan lexi duri, malu bale paanun ka pala paru nii.

Pnyahan pnataas(參考資料）

伊婉貝林、鄭光博2014<文化部文化資產局「賽德克族傳統織布工 藝與Puniri編織技法文化資產調查」報告書>，未出版。

曾麗芬，2013〈賽德克族傳統織藝：Puniri的研究〉，原住民族文獻會期刊，原民會。

王梅霞、伊婉．貝林，2012，〈文化動起來－賽德克族文化產業的研究〉，頁233-86，《民俗曲藝》176期。

蔡玉珊，2006，《台灣原住民織物：織紋結構與圖案分析：泰雅族篇》，台中:台中縣立文化中心。

鐵米．拿葳依，2000，《泰雅賽德克傳統織布文化》，南投:鐵米拿葳依。