Pakaw rhnuk(刺莓)[smmalu patas | ida npatas sspgan ka smmalu patas]

Snakan na dha kari kklegan pakawa rhnuk ka emptsapuh aran rseejiq, kingan o ngaran dha psapuh narux seejiq knan, babaw sida na pakaw qraqil bi qluway uban yahan dha lumau malu bgihur utux.

　　Saw ka mbasi bi mssibus hari na o ngaran dha tgmu hnedayu hlama. gmalu bi sqqeuqun rsnaw hii na ka ni, ini kbiyax msur ka bowli utas bi mspi utaq, sahu utux anay bi snagan nmahan. wasaw na pskmalu sahu mlabu, pgmalu narux giqur bi narux unuh urat qrjil, ngaran dha miyah psapuh. saw ka dngaan ta hii sama pakaw, ngaran na pskmalu mlabu brung utas rsnaw, ini dhoq gmsur utas utaq bi mqliwaq narux dowriq.

　　Dha ni o pakaw quyu utux inqan sun utux sahu niya, iya nhmtun mkan, ngarun sun a naqih tuba utux narux da. malu ngaran psapuhun ka sudu nii, duma o ngaran dha miyah psapuh qnyutan quyu uri, niqan bi balay knemalu sahu narux bi gmrih ka klit narux na. saw ka rseejiq skbiyaw sunan uri o snpual dha spawda ssmiyus kbusan nhmuk ka ni, pusan dha sska sesyusan hiya, lmamu dunuq quyu utux mkan gaya, ngaran dha psqduriq naqih utux sunan bi pkmalu kbiyax hii rseejiq knan.