Osay Hongay

Osay Hongay (簡燕春, Jian,Yan-Chun), dseejiq knkla bi meuyas Tnpusu Taywan.

Nhdaan ka tg6 jiyax iyah sngayan tg33 psdka uyas snduray, mowda tgparu hngkawasn dmpthangan ksk psdka uyas ka rudan nyusan Skangki alang Tafalong payi Osay Hongay nii o mangal dseejiq knkla bi meuyas Tnpusu. Nhdaan ka pslian pgaya uyas do o enleelug embrinah sapah na Tafalong ka hiya uri da ni mangal qrasun seejiq alang hiya.

Mhiyug ni psasing brah lblak embanah ka hiya. Peiyah na uyas Sbnawan sbiyaw shkawas tg12 idas ka rudan nyusan Skangki alang Tafalong payi Osay Hongay nii o mowda tgparu hngkawasn dmpthangan ksk psdka uyas ni mangal dseejiq knkla bi meuyas Tnpusu uri. Mqaras bi rmngaw ka hiya ’’Ana rabang kida tduwa ku sghiyug psilan pgaya uyas hini, saw kiya ni rinah knrdax ka alang Tafalong.’’ msa.

Rmngaw duri ka Osay Hongay ’’Tai saw powda peiyah uyas sbiyaw nii o ptduwa pgkla dseejiq ka uyas sbiyaw Sbnawan. Dmuuy ta hnang uyas ni ttduri tmgsa ni hnici knxalan embbiyax ka uyas sbiyaw ni knsuyang kndsan ta.’’ msa.