Oro
Oro/ Oraw/ Owraw
[smmalu patas | ida npatas sspgan ka smmalu patas]Oro nii we kingal klegan btakan ka heya duri, ani so btakan bale qtaun ge uxe btakan bale ka heya, ini pntena qnthuran bubu daha ma, rmabang bbaro kulo na ka oro nii.
Ado malu riyung doosun ka benac rehaq na oro ma, leexan pglahang dmaus ma ini kela msetuq. So kiya de saangal daha benac rehaq oro nii tminun btuku ka rudan ta cbeyo, kika prnaun daha mhuma kssiyo alang ka oro nii.
Glahang ka benac rehaq na btakan we malu naq stinun duri, kika malu riyung stinun kobu qcurux paru ka oro nii, paru naq kobu ge ani tuya, kuluk mosa pkobu hiya. Ani kobu bolung duri ge tninun daha oro, asi ba ka uka oro de saangal daha btakan bale tminun denu.
Kana rawa psaun lukus, rawa qcurux, gepuk hndayu ma lmlamu rawa so ppsaan qyqeya tminun peni, oro nii ka pglayun daha migin. Paru ba dnyagan na ita Seediq ka oro nii.