Nsgan U-tay

Nsgan U-tay o mniq ska iyax tgdaya nklaan hidaw nyusan Ping-tung klwaan Taywang, nyusan Ping-tung kingal tnegspatun nsgan dxgal tnpusu. Klgan seejiq Ru-kai ka tnpusu na hiya, ngalun sun paru bi alang klgan seejiq Ru-kay nyusan Ping-tung.

Dxgal

Nsgan U-tay o mniq iyax tgdaya nklaan hidaw nyusan Ping-tung, quri tgdaya o mskkiyig Maw-ring alang paru Ta-kaw, iyax tgdaya nklaan hidaw ni nklaan hidaw mlutut nsgan Yeyn-ping nyusan Tay-tung, nsgan Pey-nan, quri tgtruma mskiyig  nsgan Cing-hung﹑nsgan Tay-wu nyusan Tay-tung, quri iyax tghunat ryaxan hidaw ni ryaxan hidaw mskiyig  nsgan Ma-cya﹑nsgan San-ti-mun, ga babaw Dgiyaq paru, mhiyang bi ni mhrinas 1000 tnxalun kmbragan na, tgbaraw bi nniqan na quri kana nyusan hiya, hghaw bi tduwa qpahan ka dxgal nsgan hiya. Knlbangan dxgal na o niqan 279m², mgkala hari Paru Alang Tay-pey, tg2 paru kana nyusan Ping-tung, tgbilaq hari nsgan Se-cji. Pusu bi qsiya na o Yayung Ay-ryaw ni baraw swayay Yayung Ha-yu.

Ptyusan nniqan qqpahan euda

Nsgan U-tay o niqan mtaru alang：

1. Alang Ta-wu, babaw daan bgihur paru duma seejiq thjil quri alang Cyang-cji-pay-hu nsgan Cyang-cji.

2. Alang Ci-ru, prajin hangan na Chi-nu﹑Chi-ru, babaw daan bgihur paru do kana seejiq wada thjil quri alang Cyang-cji-pay-hu nsgan Cyang-cji da.

3. Alang A-ri, babaw daan bgihur paru do kana seejiq wada thjil quri alang Cyang-cji-pay-hu nsgan Cyang-cji da.

4. Alang Haw-ca, babaw daan bgihur paru do kana seejiq wada thjil alang Ri-na-ri nsgan Ma-cya, tthangan Ku-ca-pu-an(Sin-sin-haw-ca).

5. Alang Cya-mu, babaw daan bgihur paru duma seejiq thjil quri alang Cyang-cji-pay-hu nsgan Cyang-cji.

6. Alang U-tay o pusu bi stmaan qpahun, duri ni niqan U-tay﹑Sen-san﹑Ku-cun/I-ra tru alang nii paru bi grhulan klgan seejiq Ru-kai.

Alang Ku-cun/I-ra : Paah paru hakaw Ku-can mtmay nsgan U-tay tg1 alang o kiya alang Ku-can, quri truma paru hakaw hini o niqan pyaan slingan rmigaw qmita Ku-can, ungat ka seejiq mniq hiya ni, niqan ka patas slingun kana pnluban U-tay ni kana endaan qneepah paru hakaw Ku-can, kiyi na hiya o niqan mrmun bi snaw klgan seejiq Ru-kai ni gmqur qhuni hnigan kuyuh, niqan saan ngangut uri. Seejiq alang Ku-can o hghaw bi, kiya ni tduwa ta mgmlux bi ni skmuxul bi lnglungan ni rmigaw qmita knkla kndsan seejiq tnpusu hini.

Alang Sen-san : Alang Sen-san niqan suyang bi hangan na alang idas ksun, yaa piya kbkuy hnkawas brah na siida Sen-san hini o dgiyaq tgbilaq, Utux idas o suyang bi ka hini msa ni hlkuban na ka kana alang U-tay, yaasa kuxul na bi ida ini tnealax,manu saw kiya ni smqaya bi alang, hici do madas lubuy nuqih(dmay ssrus lblak) ka seejiq alang sbuway na Utux idas, kika hana tnealax alang. Manu saw kiya ni ida kuyuh ka Utux idas ni sun dha lmnglung. Alang Sen-san hini o klaun bi seejiq ka pspuan smbbarig, qulung jiyax sngayun du niqan ka rmigaw qtaan sluun dha nanak pnseusa, duri ni pspuan suyang bi ini kndka uqun klgan seejiq hini, kana ka knkla kndsa wiwil gasil klgan seejiq Rukai.  

Alang  U-tay：Tgparu bi alang hini ka U-tay, mttuku bi dnuuy rmigaw qmita, kska na hiya o niqan bi ngahan ka elug hlpis btunux ni thulang snegil sun. Ida yahan bi rmigaw qmita lupung mtneuda.

Khbragan hiyi

Yaasa dgiyaq ka nniqa nsgan U-tay, hghaw ka seejiq na, tgbilaq bi seejiq mniq kska nyusan Ping-tung, kana klgan seejiq na hiya o niqan 13000. Paah nsgan Maw-ling nyusan Ta-kaw priyuxun Maw-ling Alang paru Ta-kaw bitaq sayang. Nsgan U-tay o ida tgbilaq bi seejiq klwaan Taywang.

kntmaan

Kristukyu(Teynskyu, pnrhulang rudan mklawa, pnrhulang Shin-li, psslian jiyax sngayan)

Phiyu smluan nkana

qpahan mduuy knsat

Qpahan knsat nyusan Ping-tung alang Li-kang

Qpahan knsat U-tay

hqulan

elug paru

elug klwaan

patas24 Taywang

Elug klwaan patas24 Taywang o wana kingal bi elug daan mtmay nsgan, paah alagn paru Ping- tung muda wayay elug pstkaway Cang-ce, Cang-ce, alang Suy-mun, alang San-ti-mun nsgan San-ti-mun, alang Ta-ray, babaw muda kana klwaan tgparu bi hakaw Ku-cuan U-tay(654 qnjisan kmbragan), tmay nsgan U-tay.

Paru hakaw Ku-cuan U-tay:

kingal sun elug bahu hakaw Taywang, mniq mtraw ayus nsgan San-ti-mun Nyusan Ping-tung ni nsgan U-tay, qmngaw quri tgdaya ayug Ay-ryaw swayay ayug Ay-ryaw swayay ayug Raw-nung, wana kingal bi pggaluk iyax hakaw seejiq nsgan U-tay hini, kiya ni elug mquri rmigaw qtaan tglaq A-li﹑alang Ku-cuan(smudal alang I-ra), smudal alang Pa-ring kun-cu, gsilung Siyaw-kuy. Erut hakaw o niqan 99 qnjisan kmbrangan, hmrinas 68.1 qnjisan paru hqkaw elug klwaan 6 wayay elug pstlaway Kwo-sing, maa kingal tgparu bi hakaw Taywan hini sayang.

Elug hqulan nkana

Bahu alang tnpusu, bahu Ping-tung.

patas knkla elug

Mgriq tdruy:

Elug klwaan 3 wayay elug pstlaway Cang-ce—patas 24—Swuy-mun—San-ti-mun—sapah pqita San-te—spiq paru pseusa Yiyn-pan-syian.

Knkla kndsan pswiwil klgan seejiq Ru-kai

Hrpasan pswiwil o ida hnici rudan sbiyaw klgan seejiq Ru-kai, nii o rwaan risaw ni wauwa, htngayan rngayun ni suyang bi, risaw ka msikul paah bukuy wauwa, wauwa o phiyu wiwil gasil, wada skulun baraw ka wauwa du mdka skiya karat ka seejiq qtaan, txanun na kana seejiq do sduuy baga mtqri khuway mgri, wada baraw ka pswiwil o rnah mjiras ka uyas dha uri.

Rmigaw Qtaan

1. langu Siyaw-kuy

2. dowras lnglung

3. smudal alang Haw-ca

4. tglaq Huy-run

5 .Rmigaw qmita mneudas ida nkiya knkla seejiq nsgan A-li, Sn-san, alang Ta-wu(nasi  ini teumal seejiq pgkla ka tneuda lupung du, ini tduwa tmay rmigaw qtaan kida.)

ttgsa

ptasan tgbilaq:

Ptasan tgbilaq U-tay nsgan U-tay nyusan Ping-tung.

Ptasan tgbilaq Li-ku-pay-he sgan U-tay nsgan U-tay nyusan Ping-tung.

Uqun knmalu

sari

bunga

masu

sqmu