Nsgan San-ti-mun

Nsgan San-ti-mun mniq tgdaya nyusan Ping-tung klwaan Tay-wag, quri tgdaya o dalih nsgan Maw-ring Alang Paru Ta-kaw﹑nyusan  Ryu-quy, nklaan hidaw o mskkiyig nsgan U-tay, ryaxan hidaw o mskkiyig nsgan Kaw-su﹑ nsgan Yeyn-pu, quri  tghunat mlutut  nsgan Ney-pu﹑nsgan Ma-cya. Knlbangan dxgal sblayun 196 m2 , tg3 paru alang  nyusan Ping-tung (sngsul ns o  nsgan Su-cu, nsgan U-tay )：knhbragan hiyi o niqan 7.7 maxal kbkuy, tghbaraw bi Seejiq Tnpusu nsgan San-ti mun nyusan Ping-tung.

Ayus pnstrngan  dgiyaq ni breenux ka pusu nsgan hini, mtgaaw ppngpung ka hnigan  dxgal , knbaraw na o 100~2159 tntunan ka kndgakan paah qsilung bitaq dgiyaq muda dxgal nsgan ka sqlalu qsiya yayung Yi-riaw ,bgihur pnskarat o mtalux. Klgan seejiq Pay-wang ka tnpusu hiya, niqan hari ka klgan seejiq Ru-kay uri(alang Cing-yey), niqan bi hangan saan rmigaw qmita sayang, wada ngalun sun Klwaan rmigaw qmita Maw-ring.

endaan

Paah Ni-hung siida tnngahan San-ti-mun, prajing o nsgan Ping-tung nyusan Ta-kaw han, babaw dmgjiyal marah kmpriyux ka qpahan pusu klwaan da ni ptnngahan nsgan San-ti ni klwaan nyusan Ping-tung da. Bitaq 1992 hnkawas mspat idas priyuxun nsgan San-ti-mun. Kari Paiwan In-se-ti-mur sun. Pusu na o niqan tru nsgan dxgal dgiyaq, U-tay﹑San-ti-mun﹑Ma-cya mseupu rhngun mtmay ni mlatat..Kiya ni brah jiyax Man-cing siida ni, mquri tgdaya kmbgurah ka klmukan, niqan ubal bowyaq sun tnhangan.

Kska qmpringan tnlangan dha o niqan ka pseanak glang Paiwan, knkingal alang nsgan hini o maayus thowlang dudul ni seejiq, thowlang dudul o payus dha pusu thowlang ni swayay thowlang duri, thowlang dudul o niqan patas tndxgal, niqan biyax dha mangal pila qsiya﹑dgiyaq rnaaw﹑tmsamat. Txtaxa seejiq da o nasi mhuma qmpahan, tmsamat ida asi ka prajing muway pila thowlang han.Kana kmlawa alang o pusu bi thowlang ka dmudul na. Nasi niqan ka pnrngagan alang o ida asi ka tgparu towmuk pssli tgbilaq towmuk muda, saw kiya ka rnabang bi qmpringan tnlangan dha.

Quri  lmutut towmuk, ida niqan gaya dha paah sbiyaw, qulung mtucing tgqsuran ka tama ni bubu, ana kuyux aji uri o snaw, hiya ka maha lmutut mangal hangan sapah﹑pusu dnuuy﹑aji uri o dmanga rudan. Nii o mgdhug bi gaya tnlangan dha hiya.

Pntyusan nniqan qqpahan euda

Niqan maxal alang ka kana nsgan

alang Cing-yi: alang Cing-yi, 1976 hngkawas paah alang A-u priyuxun alang Cing-yi.

alang An-pu, alang Cing-san, alang Ma-re, alang ku-se

alang Say-cya: alang Jun

alang San-ti: alang San-ti-mun

alang Ta-se: 2010 hnkawas babaw bgihur paru 88 hnjil alang Li-na-li, paah alang Pey-yi nsgan Macya priyuxun alang Ta-se nsgan San-ti-mun.

alang T-wun: alang baraw Paiwan, alang T-wun ni alang Cing-se-ru-wan, 2010 hnkawas babaw bgihur paru 88 thjil alang Cyan-ce-pey-he, paah alang Jun-hwa nsgan Cyan-ce priyuxun alang T-wun nsgan Aan-ti-mun.

alang Ta-rai: 1989 hnkawas thjil bitaq sayang, 2010 hnkawas babaw bgihur paru duma na thjil alang Cyang-ce-pey-he, paah alang Jun-hwa nsgan Cyang-ce priyuxun alang Ta-rai.

Kmlawa aji hihuya qpahan euda

Li-kan sapah knsat nyusan Ping-tung

Sapah knsat San-ti-mun: Tg100 sspgan, tg2 kulaw elug Cun-cen, alang San-ti-mun. Tel:(08)7991154

Sapah knsat Ku-se: Tg2sspgan, 59 elug Sing-yi, alang Ku-se. Tel:(08)7957078

Sapah knsat Cing-san: Tg2 sspgan,61 sBiq paru Ming-cu, alang Cing-san. Tel:(08)7960690

Sapah knsat T-wun: Tg16 sspgan, sbiq paru T-wun, alang T-wun. Tel:(08)7996067

elug hqulan

elug paru -elug paru alang

patas 24 elug paru-paru hakaw Ku-cuan U-tay

elug nyusan-patas 185 elug nyusan(elug driq dgiyaq)

elug nsgan-patas 7 Ping-tung-patas29 Ping-tung-patas31Ping-tung

Ptasan tgbilaq

Ptasan tgbilaq Ti-mur nsgan San-ti-mun nyusan Ping-tung

Ptasan  tgbilaq Cing-yi nsgan San-ti-mun nyusan Ping-tung

Ptasan tgbilaq Ku-se nsgan San-ti-mun nyusan Ping-tung

Ptasan tgbilaq Cing-san nsgan San-ti-mun nyusan Ping-tung

Ptasan tgbilaq Sai-cya nsgan San-ti-mun nyusan Ping-tung

Saan rmigaw qmita

Saan rmigaw qmita knkla kndsan seejiq tnpusu Tay-wang, tglaq Ta-se, hakaw pswiwil Ryu-ri Yayung dgiyaq, sapah Hai-sen, mspat suyang qtaan llingay Te-wun, tglaq Ta-cing, ayug mgkliyut klaway, hakaw lbay Ta-ray.

Uqun knmalu

bunga, masu, sari, kalat, suyang, qurug Ryu-ri