Nsgan Ru-yey

nsgan Ru-yey(kari sbnawan: Shikano, kari klmukan: Lo̍k-iá-hiong, kari Ngay-ngay hnang 4 nyusan Tay-wang : Luk Iaˊ Hiongˊ. Kari Ngay-ngay mslxan: Lu̍k-yâ-hiông）ga mniq tgska nyusan Tay-tung Tay-wang, quri baraw o msgasig nsgan Kwan-san, mgbaraw ryaxan hidaw o msgasig nsgan Haytwan, quri nklaan hidaw o msgasig nsgan Tung-hu, quri ryaxan hidaw ni hunat o plutut nsgan Yeyn-ping.

Pnteayus qmpahan euda qmpah Sayang nsgan Ru-yey o niqan 8000 hmbragan hiyi, seejiq klmukan 40％, seejiq ngayngay 30％, seejiq tnpusu mkbrnux o 20％, Duma do 10％. Lala klgan seejiq ni niqan nanak knkla kndsan dha. Nsgan Ru-yey spuan na kmlawa ka alang o saw nii, Ru-yey, Lung-teyn, Yung-an, Jwey-rung,Jwey-yeyn,Jwey-hu, Jwey-hung, niqan empitu alang, qmpah quri dxgal o tg10 o niqan 7. Qmpah dxgal ka pusu qpahun dha. alang Lung-teyn, Jwey-hung, Yung-an, Jwey-hu, Jwey-lung, Ru-yey, Jwey-yeyn.

Endaan

Ru-yey o knxalan Cying siida klwaan nsgan Kwang-san. klwaan Ni-hung siida do wada pryuxan nsgan Kwan-san alang Ru-yey ksun. bukuy mnkeekan do pryuxun ni phyugun 「nsgan Ru-yey」. Kiya ni balay ni nLey-kung-hu ka Sang-yey, Cung-yey, Syia-yey do wada spuun alang Rwan-san syusi ni msupu nsgan Yeyn-ping. Niqan dha ka pnyahan kari Hangan dxgal Ru-yey, kingal o msa, dxgal hini sbiyaw o taadus bbuyu, msuwil niqan qpuring rqnux miyah rmdu msangay hini. Kika ksun「Ru-yey」. Kingal kari duri o, klwaan Ni-hung siida, seejiq Ni-hung o phiyug kingal alang hini yahun dha mniq seejiq tmbarah, kika psli seejiq nyusan Sin-sey dmqpah dxgal miyah tbarah hini, kika seejiq Ni-hung do hangan dxgal ruliaw siida o pryuxun Ru-yey ksun. bukuy mnkeekan do phiyug nsgan siida do asi angal hangan nsgan. Paah alang paru Tay-tung muda elug Tay-wang 9 spgan mquri tgbaraw, muda dgril Cu-ru ayug rklu, muda duri ayug Ru-yey, qtaan o saw kingal paru bi tadus breenux. Hini o Ching siida bukung Tay-tung Hu-cwan o saw kari na「tgparu bi tadus breenux Tay-tung」msa. knxalan sayang do hini o kika ksun pusu phpah qlupas ---「Ru-yey」ksun, Ru-yey o mnda yahan ttmalang qpuring rqnux. Qrunang mangal tunux seejiq mkdiyaq. Seejiq Ni-hung o lnlungan dha hini o malu balay nniqan. Duri ni seejiq pnaah ryahan hidaw Tay-wang o kuxul dha balay miyah tg2 tbarah mniq. Sayang do seejiq qnpah qpahun klwaan ni mtgsa o kuxul dha balay gmaaw miyah tpusu mniq. Duri ni kska klwaan Tay-wang o paru balay nsgan yahan rmigaw qmita ni msangay.

Hmbragan seejiq

2021/2 7,579

Elug hqulan

Ru-yey o ga mniq breenux gbiyuk Hwa-Tung pusu elug o niqan elug qrngul Tay-tung ni elug Tay-wang tg9 spgan o muda tglihug ska hini.

Ｔtgsa

ptasan tgska

　• ptasan tgska Ru-yey nyusan Tay-tung（patas spgan ga skuun psraman mangal，ga skuun sapah pnatas elug samaw kaji）

• ptasan tgska Jwi-yeyn nyusan Tay-tung（patas spgan ga skuun psraman mangal，ga skuun sapah pnatas elug samaw kaji）

　ptasan tgbilaq 　

• Ptasan tgbilaq Ru-yey nsgan Ru-yey 　

• Ptasan tgbilaq Yung-an nsgan Ru-yey（patas spgan ga skuun psraman mangal，ga skuun sapah pnatas elug samaw kaji）

• Ptasan tgbilaq Yung-an ptasan sbiq Yung-rung nsgan Ru-yey nyusan Tay-tung(wada laxan)

• Ptasan tgbilaq Jweyyen nsgan Ru-yey（patas spgan ga skuun psraman mangal，ga skuun sapah pnatas elug samaw kaji）

• Ptasan tgbilaq Jwey-hung nsgan Ru-yey（patas spgan ga skuun psraman mangal，ga skuun sapah pnatas elug samaw kaji） 　

• Ptasan tgbilaq Lung-ten nsgan Ru-yey（patas spgan ga skuun psraman mangal，ga skuun sapah pnatas elug samaw kaji）

Ｓaan rmigaw qmita

• Elug knhuway tqiri nsgan Ruyey qtaan mneudus

• Elug bling mpajiq Wu-ring

• Dxgal qcilus Sin-liang •

2 tntunan hakaw Ping-suey •

Tgbaraw tatat Ryey Prajing 2011 hnkawas qulung rbagan do nsgan Ru-yey muda euda 「Tay-wang kklwaan skiya mtalux paru qurug gowmu cya-neyn-hwa.」

Ｋnmalu nhuma

• qsiya rbnaw Hu-rung

• Embanah Wulung qsiya rbnaw

• sibus embanah

• Karat

• Howlung kow

• Gitu

• Blbul

• bkiluh

• Karat bkiluh

[[Snakun:Truku]]