Nsgan Nan-aw

Nsgan Nan-aw（kari Atayal：Kbbu），kingal nsgan klwaan nyusan I-ran Tay-wang.Nniqan na o tgtruma bi nyusan I-ran. Tgdaya o smdalih nsgan Dung-san. Plutut nsgan Su-aw ka ri nklaan hidaw tgdaya. Nklaan hidaw tgtruma o smdalih gsilung Paru. Smdalih nsgan Bsuring nyusan Skangki ka tgtruma da. Gtgut na ryaxan hidaw tgtruma do nsgan Hu-pin nyusan Tay-cung kida. Mssiyaw nsgan Ta-tung ka ryaxan hidaw ni ryaxan hidaw tgdaya da. Nsgan nii o kika sun tgparu bi knlbangan 、blbilaq bi knhbragan 、hghaw bi sjiqan qpahan bnkgan nyusan I-ran. Kska knkana bnkug tgtru qqpahan klwaan ta paah bukuy smpug knhghgan na hjiqun o tgrima ka hiya. Knlbangan na da o tgmaspat paah brah smpug kida. Nsgan nii o tgkingal nsgan seejiq Tnpusu nyusan I-ran.( kingal duri o kika sun nsgan Ta-tung kida) Kska alang hini o seejiq Bgala ka pusu bi.   

Endaan Sbiyaw

Rajing bi niqan hangan dxgal Nan-aw ka pnatas o Klaan Cin Jyacin maxam rima hngkawas siida. Ya sun nii mniq tgtruma Su-aw kika sun tmngahan Ta Nan-aw da. Ta-cen tgkingal hngkawas (maxal mngari kbkuy maxal dha hngkawas) ryuxan dha Nan-aw da. Cawhu empitu hngkawas (maxal mngari kbkuy mtrul dha hngkawas) maa alang tgbaraw hari do kika sun alang Nan-aw da. Manu dxgal ngahan Nan-aw nii do srngaw dha bi da.

Knlwaan Klwaan Cin geayus kska 「dgiyaq bukuy 」siida, ida bsiyaq jiyax bi klgan knlangan alang. Pnhugan trilan ka Taywang do ma ungat thulang kmlawa ka Nan-aw msa ka dduma seejiq Yurup ni kmmiyah kmrmux powsa alang klwaun ka dhiya. Manu kika niqan ka tnegjiyalan Ta Nan-aw da.

Nhdaan bi Klaan Cin siida, mtbiyax bi muda uuda mrmux dgiyaq rmimu seejid Tnpusu. Tungci maxal tru hngkawas (maxal maspat kbkuy empitu spat hngkawas) siida, kmrmux tgdaya yayung Nan-aw ka mrata Cin. Dmakar ka seejiq Bgala Nan-aw ni asi angal tunux.  Kwangsiu maxal mataru hngkawas (maxal maspat kbkuy mngari kmxalan hngkawas）smkagul mrata miyah kmrmux ka thulang paru Ryumincwan. Psqama alang ni rmingat kana uuqun.

Klwaan Nihung Tacen mataru hngkawas (maxal mngari kbkuy maxal empitu hngkawas) psbgurah phiyug qpahan sbiq Nan-aw ka ntysan I-ran. Nniqan qpahan sbiq nii o Ransu alang Ta Nan-aw. Tacen mngari hngkawas (maxal mngari kbkuy empusal hngkawas) phiyug uuda nyusan nsgan alang ni kika ryuxun alang seejiq tnpusu nyusan Su-aw Taypaq Cow da. Bukuy tnegjiyalan do, phyugan ka nsgan Nan-aw nyusan Taypaq da. Klwaan Cikuku mtrul mngari hngkawas  (maxal mngari kbkuy mrimal hngkawas) wada ryuxun nyusan I-ran ka kangki na da.

Bnkgan alang

· Alang Tung-yey：Alang Tungg-aw(Iyo)、tgbaraw alang Tung-aw(Gukutsu、 Rekinos)、tgtruma alang Tung-aw( Tapijaxan）

·Alang Pi-hu：Pi-hu（Piahau）、Lu-pi（Lopoy）、Alang Kanctow

·Alang Nan-aw：qpuruh Nan-aw（ Kubabo、 Ngongo、 Kilumoan）

·Alang Cing-yey：Cing-yey（Lyohen，Lopoy）

· Alang Cing-yang：Cing-yang（Kinyan）、Cung-yey（Rekinos）

· Alang U-ta：U-ta（Buta）、Nan-si（Nankei）、Hng-san-cay、Lu-ci-yey-hu（Lukiyof）、kaw-hung（Go-on）、Cang-swey-in、kwang-ing

· Alang Aw-hwah：Aw-hwah（ Kumuyao、Babokaikai ）Kuhung、Hanpn（ Blihun）

Tgdha Alang bnkgan

Saw nii ka bnkgan alang Tung-aw( Tung-yey)、alang Nan-aw (Nanaw、Pihu、Cingyey、Cingyang、Uta)、alang Aw-hwa(Aw-hwa)

Alang Tung-aw

Nniqan na tgdaya nsgan Nan-aw. Ya sun kdhaan kmlawa ka Klmukan ni seejiq tnpusu, manu Tay mngari elug paru Su-Hwa ka geayus. Ryaxan hidaw sysiyaw dgiyaq o nsgan Nan-aw alang Tung-Yey kiya. Nklaan hidaw sysiyaw gsilung do kika sun alang Tung-aw nsgan Su-aw kida.Maxal mngari kbkuy maxal tru hngkawas pnhiyug na o bukung alang Kukucu Hayung Pata. Splawa Iyow ka sexual han. Yasaa kska dgiyaq Tung-aw o mhhru bi spriq sapuh Iyow niqan bi ngahan. Kiya ka kiya ni rinah ungat hari ka Iyow n ani plwanan dha Towpiyu ka sayang da.

Alang  Nan-aw

Nii tgska bi nsgan Nan-aw. Kika sun tgska bi ni pspuan bi sjiqun nsgan hini. Nniqan qpahan nsgan o mniq alang Nan-aw kiya. Ya sun kdhaan kmlawa ka Klmukan ni seejiq tnpusu, manu Tay mngari elug paru Su-Hwa ka geayus.  Ryaxan hidaw sysiyaw dgiyaq o bkgan Nan-aw, pi-hu, Cing-yey, Cing-yang, U-ta rima elealang. Nklaan hidaw sysiyaw gsilung o bkgan nsgan Su-aw alang Caw-yang ni alang Nan-cyang dha nii. Empitu elealang nii o kika sun alang Ta Nan- aw. Pusu bi meeniq hini o dNan-aw seejiq Bgala.

Alang Aw-hwa

Mniq tgtruma nsgan Nan-aw ni peayus yayung Hu-pin dha alang Knlibu nsgan Bsuring nyusan Karingku. Bnkgan alang hini o alng Aw-hwa. Pusu bi sdseejiq na o pnaah mkMuyaw, mkPapukaykay, mkPapuriaw, mkRiyowh, ni Trukan thlij mseupu hini.

Pspuan seejiq

Pusu meeniq nsgan Nan-aw hini o seejiq Bgala. Kari dha o kari Bgala. Pnspuan sjiqun lqian, embbrax, drudan o 18,84 tnegkbkyan, 71.8 tnegkbkyan, 10.8 tnegkbkyan ka knhbragan na psbkug.Ida sun knlangan rdrudan kida. Kska nyusan o nsgan nii ka hhbaraw bi lqian, hghaw bi rdrudan ni knkana klwaan do tghbaraw bi lqian ni tgdha hghaw knhbragan rdrudan kida.Psdkaan nsgan kana klwaan do tgtru ka knhbragan na lqian ni tgspat knhghgan sjiqun kida.

Rabang dxgal niqan hangan

·Langu Utux

·Llingay hmnru tndgxal alang Nan-aw

·Sngayan mneudus gsilung Kwang-ing

·Tglaq alang Aw-hwa

·Langu Cweyhung：langu ttama 1,840 tnxalun ka knpraan na. Kika sun tgparu bi langu dgiyaq    Tay-wang

·Ulay msriyu Tung-aw

·Elug sbiyaw Nan-aw

·Llingay kmlawa karang ubal Nang-si Nan-aw

· Saan rmigaw sdmatan Sayun：mniq siyaw elug klwaan Tay-wang tgmngari，

· Kska na o niqan tuki Sa-yun phyugan klwaan Nihung siida.

· Tglaq Ku-ing)(Tglaq kwang-ing

·Qmpahan Nan-aw

·Elug ksaan nKlwaan Caw-yang

Seejiq niqan ngahan

• Sa-yung Hayun沙韻·哈勇
• Yu ta cing游大慶
• Ring cing tai林慶台
• Iri Kawru以莉·高露

[[Snakun:Truku]]