Nsgan Mu-tan

Nsgan Mu-tan o nii mniq nklaan hidaw tgtruma nyusan Pingtung Tyawang. Sdalih nsgan Sec ka tgdaya. Siyaw gsilung Paru ka nklaan hidaw. Ryaxan hidaw do ggtgut nsgan Ceceng kida. Tgtruma do plutut dha nsgan Mancow. Kika sun tgtruma bi nsgan seejiq Tnpusu pusu pnlaq Taywang nii. Maxal maspat kbkuy empitu kmxalan spat hngkawas tnegjiyalan Mutang o kika alang hini. Bitaq Klwaan Nihung Ta-Cen mngari hngkawas ( maxal mngari kbkuy empitu hngkawas), nsgan Mutan o Nihung siida kika sun alang seejiq Tnpusu nyusan Hencun Cyow Kawsyung ka kangki na. Miyah mangal Taywang siida ka Klwaan Cikuku do bkgun na kana ka elealang nii kika phiyug nsgan nii da.

Nsgan Mu-tan o nii mniq pnlaq Hncun. Kika sun pusu ngungu dgiyaq Tudu ni knbragan na o kingal maxal kbkuy tnxalun kana. Kska nsgan o muda hini ka yayung Mutan, yayung Nijen, ni yayung Cuse. Karat na o talux hbkan sbgihur. Kngkingal hngkawas misan ni srnabaw o niqan bryax bi iyuk na bgihur mtabuy paah dgiyaq. Pusu seejiq tnpusu meeniq hini o Paywan. Niqan cih Amis uri.   

Endaan

Plealay bi o kksaan alang Mutan ni alang Kawshu ka nsgan Mutan. Maxal maspat kbkuy empitu kmxalan spat hngkawas siida, niqan kingal seejiq Riyuciyu wada qluli hini ni phqilan seejiq tnpusu kika seiyah dha kmrmux Taywang. Kika sun Tnegjiyalan Mutan. Paah hi siida smparu qmita pnlaq Hncun ni dbukuy alang Taywang ka Klwaan Cin. Klwaan Nihung siida bnkgan saw nii ka seejiq Tnpusu hini.

Cyacray: tjaqaciljai , sayang o kika sun Ta-mey alang Smen nsgan Mutan (Ngangut Cyacray)、Smen(dudux Cyacray)、elug Cyac, elug tgkska.

Mutan: sinvaudjan , sayang o tgbaraw Mutan alang Mutan nsgan Mutan、 tgtruma Mutan、 Marati、alang Tungyen nsgan Mutan.

Kawshu: kuskus , sayang o kika sun alang Kawsu nsgan Mutan.

Mutanwan: macaren , sayang o kika sun alang Siuhay.

Payaw: padriyiur , sayang o alang Canle nsgan Mancow. Padriyiur/bunsilio dgiyaq ssgan

Yayung tgbaraw nii ljaviyaviya o dgiyaq ssgan yayung tgtruma.    

Srinku: sayang o kika sun surin ni Hutow alang Surin nsgan Mutan

Saw nii mataru elealang ka bnkgan dha kmlawa. Maxal mngari kbkuy empitu hngkawas pgeayus phiyug alang siida, alang sun ini phyigi bkgun klwaan nyusan Hncun Kowsyung Cow ka hiya. Kska patas dxgal o n「tgtruma seejiq tnpusu Hncun 」. Tgplealay bi bukuy tnegjiyalan spwda dha ya sun endaan 「tnegjiyalan Mutan」ka hini ni hraan bi phpah Mutan nii asi bkgi nsgan Mu-tan .nyusan Kawsyung kusn. Maxal mngari kbkuy mrimal hngkawas siida wada ryuxun nyusan Pingtung ka kangki da. Maxal mngari kbkuy mrimal mataru hngkawas siida psenakun paah nsgan Mutan ka alng Tungyeyn. Maxal mngari kbkuy mataru mngari hngkawas alang Kawsu kmlawa ka Payaw da. Ryxun alang Canre nsgan Mancow ka kangki da.   

Qqpahan bnkgan

Bnkgan mataru alang ka nsgan nii.

·Alang Smen: Tamey, Smen,  elug Cyac, ni elug Tgska.

·Alang Mutan: Mutan, alang ska, ni Marati.

·Alang Tungyeyn

· Alang Siuhay

· Alang Kawsu

·Alang Surin

Ttgsa

Tgska tgtruma laqi ptasan

• Tgska tgtruma laqi ptasan Mutan nyusan Pingtung

Tgbilaq laqi ptasan

Tgbilaq laqi ptasan Mutan nsgan Mutan nyusan Pingtung

Tgbilaq laqi ptasan Mutan nsgan Mutan nyusan Pingtung

·Sbiq ptasan Murin

·Tgbilaq laqi ptasan Smen nsgan Mutan nyusan Pingtung

Rmigaw

Mutanwan

Ulay Siuhay: Nii mniq alang Siuhay riqi siyaw gsilung Mutan ka ulay Siuhay. Ulay Tanswan nii o mgtasaw bhgay、ungat knux ungat lhang、ni tduwa mahun tduwa trmaan. Kntlxan na o 45℃. Knhuran na o ida bi 7.3. Pnatas dha kska patas ka ulay Siuhay maxal maspat kbkuy maspat kmxalan empitu hngkawas siida, smneegul paru bukubg seejiq Skaru Rancyaw maxal maspat alang Panwenceyi  ka mmrigaw seejiq Igris Tayru. Mnda elug smudal Rancyaw mmosa bi Taytung siida, smnngay hini ka dhiya ni qtaan dha sriyu mttalux ulay ka dgiyaq sspriq. Pnyahan ulay dxgal hini o ida seejiq tndxgal hini ka pduuy na paah seuxal. Smnalu trmaan qaqay, trmaan ngangut, langu trmaan, ni trmaan nkana ka qpahan nsgan Mutan ni tai saw tduwa ttrima kana ka mrigaw. Nasi namu miyah alang Siuhay o iya snguhi rdu cih hini. Meuwit bi rnigaw namu siida, nasi rmdu ni trima cih ulay mtalux kika psbgurah duri ka lnglungan namu ni kndadax musa kingal rrigan duri.  

· Tadus breenux Siuhay

· Elug smudal Arani

· Skuan qsiya Mutan

· Hrpasan rnaaw Tungyeyn: Gaga tgdaya alang Tungyeyn nsgan Mutan ka hrpasan rnaaw Tungyeyn. Knlbangan na o maxal dha tnxalun 2. Kska hini o niqan suyang bi qtaan langu Tungyeyn(Langu Lingis)、mgpajiq prparu rnaaw qhuni qlupas、mtqapur phpah Yeycang ni langu tujiq phaph Riyu. Snlaan hini o niqan sslingan rrigun、rduan tdruy、ksaan qmiri langu、ssagan tleengan、ni qtaan gsilung. Nii o snlaan nkana qpahan nsgan Mutan kana. Mkksa ta truma ssagan rnaaw phuni qlupas ni yupan ta kknhuway bi bgihur kika sun saw bi tgsuyang bi trmaan rrnaaw. Qmita ta saw patas qniri saw patas rnisuh ka lang Tungyeyn ni mmaku mtqapur bhgay phpah Yeycang kibi saw nii kska tgmalu bi endaan kari lqlaqi ni asi ta ngali ka tgseesu lhlah qqrian ddgiyaq.

Slaq tjiqan maa saw ini pndka hnigan qqsiya. Mmaku sspriq babaw qsiay ni hrpasan rnaaw Tungyeyn o ida geayus ntjiqan Tungyeyn kana. Sayang do nii spatas tgpusu bi sspriq babaw tjiqan Taywang. Samat mneudu ni qqhuni o niqan lala bi kleegan na. Niqan knsteita ni mpgkla uri. Kika sun tgmalu bi yahan rimgaw qqita kkneudus.

Kklawa nniqan kneudus ni llnglung aji hyhuya ka rnigaw ni tgmalu hari , kiya ni smparu qmita pusu gygaya alang seejiq tnpusu ni biyax dxgal nseejiq tnpusu.  Mmaku sspriq babaw qsiya o nii nklaan hidaw alang Tungyeyn. 「pudung」sun rmngaw ka kari Paywan ni「alang muhing、tqring」msa. Nka seejiq tndxgal o ini tduwa hmut saan ka dxgal nii. Alang nii o ya sun tjiqan hraan embbriqax mneudus hmnru qsyaan bi mmaku sspriq babaw qsiya ni manu miyah rmigaw o asi ka stguhuy mneeniq hini mpgkla kika tduwa tmayan msa. Plawa 0905-232-199 qpringan dmpgkla Tungyeyn qmpringan kkrana alang Tungyeyn. 

·Paru mmaku Siuhay

·Kwaninpi

·Smudal Tnegjiyalan Smen

·Langu Lingis 

Hnmaan

·ngiraw

·dmux Ayi

·dmux Powpu

·sungut

·Phpah Yeycyang

·Phpah Mutan

[[Snakun:Truku]]