Nsgan Ma-cya

Nsgan Ma-cya o mniq iyax tgdaya nklaan hidaw nyusan Ping-tung klwaan Taywang.Quri tgdaya o ig nsgan San-ti-mn, lmutut nsgan U-tay ka quri nklaan hidaw ni tgdaya. Quri ryaxan hidaw o mskkiyig nsgan Neyi-pu, lmutut nsgan Wan-ran ka iyax ryaxan hidaw ni lmutut nsgan Tay-wu ka quri tghunat. Kingal sun ka tgbilaq bi ni ini dhuq 100m2 dxgl tnpusu klwaan Taywang hini, kiya ni nsgan Ma-cya hiya o niqan ka kingal dxgal alang San-hu, mtraw kska nsgan Cyang-ciy, nsgan Neyn-pu ni nsgan Yeyn-pu.

nsgan Ma-cya ni o pusu bi ga mniq tghunat Dgiyaq paru Taywang, tgdaya dgiyaq Ta-wu, saw bi smiisug, bgihur mtalux ka karat na, pusu nniqan klgan seejiq Paywang.

Endaan

Nsgan Ma-cya o klgan seejiq alang Maka-ca-ya seejiq Pay-wang. Nniqan Ma-shi-ri-te, Wa-ka-pa, Ka-ca-key-ran, Pay-wang. Paiywang sun ka  kari o mnegsakis hrus sun, pusu na o mniq iyax hrus siyaw ayug. Klwaan Nihung siida o pspuun naka knkingal alang Tnpusu, phiya kingal sapah knsat kmlawa kana alang. 1920 hnkawas siida wada priyuxan nyusan Takaw alang Caw-cwu.Babaw na mtgjiyal do ngalan dha rima ngahan alang ga srngaw baraw hini sayang priyuxun dha alang Ma-cya, Pey-yi, Ryan-san, Cya-yi, Hwa-wan(bukuy wada tbrahun Paywang) Prajing han tmngahu nsgan Ma-cya- sa. 1946 hnkawas do priyuxun nsgan Ma-cya, klwaan nyusan Takaw, 1950 hnkawas pxal priyuxun nyusan Ping-tung bitaq sayang. Hangan smudal alang Maka-caya-caya pusu klwaan nyusan Ping-tung

Bnkgan pnstaman qpahan klwaan  nsgan

Ayus pnteetu nklaan hidaw 120.677505、ayus gmbalay tgdaya 22.676593.

Kana mkdux kmbragan 78.7008m2.

Khbragan sapah 2.039 sapah .

Khbragan seejiq 6.730 (2020 hnkawas 6 idas ga spatas Sapah qpahan patas sapah nsgan Ma-cya).

Nniqan Qpahan eudaq

Niqan alang Pey-yi（Masilid）,alang Ryan-san（Wakaba）,alang Cya-yi（Kazangiljan）、alang Ma-cya（Makazayazaya）,alang Pay-wang（Paiywan） ga breenux o Hwi-ti, alang San-hu（lziuci laulauzang）mtaru alang nii o pusu bi pnstama qpahan, ga mniq alang Pey-yi.

Alang San-hu o mniq pnstrngan ayus alang Yeyn-pu, Shang-cyi ni Neyi-pu,seuxal o mniq breenux iyax ayug Ring-rung han. Iyux kkmalu kndsan Seejiq Tnpusu ka klwaan ni mtbiyax bi dmudul seejiq nsgan U-tay、 San-ti-mn、 Ma-cya thjil isil dxgal kmbgurah. 56 hnkawas siida do phiyug kingal alang,pklwaun nsgan Ma-cya, kika ksun alang San-hu.

nsgan Ma-cya hiya o knriwa bi klgan seejiq Paiwan, niqan cicih ka klgan seejiq Rukai uir,6.700 knhbragan ka seejiq. Phiyug kingal Ptasan tgska tgruma Ma-cya, tru ka Ptasan tgbilaq（Cya-yi、Pey-yi、 Chang-jiyung-pey-hu）, dha Ptasan tgbilaq o niqan Ptasan prjingan kana. Kngkingal ptasan o niqan sapah tqian, seejiq kmlawa sapah, pusu mdayaw laqi matas ni tdruy ptasan, mttuku bi ka dnuuy dha ni ssmalu, kiya ni spruun bi kngkingal tgbilaq ptasan klwaan Taywang hini.

Knhbragan seejiq

Pspuun knhbragan seejiq nsgan hini o 86 seejiq / km2, kiya ni tgdha hbaraw bi seejiq tnpusu Taiwan hini, tgkingal o nyusan Taitung nsgan Ran-yi

Dxgal

Llingay nniqan nsgan Ma-cya ga quri tgdaya dgiyaq Ta-wu iyax tgdaya ryaxan hidaw, qmangaw tgdaya dgiyaq Ta-wu, dgiyaq Ji-tan-jing dgiyaq Li-cun. Seuxal o pusu bi hraan endaan pkrana knkla kndsan alang klgan seejiq Paiwan.

Paah seuxal bitaq sayang, alang pnswayan, kndsan kdjiyax, elug ssbarig ni kana knkla kndsan dyakan bi llingay, dxgal, karat ni kana mneudus ni dgiyaq ida nkiya. Manu saw kiya do mduwa bi murug llingay ni mkla bi dmuuy dnuuy ida nkiya ka seejiq alang hini, dmudul ni marah kkmalu knkla kndsan pkrana klgan seejiq Paiwan.