Ngiraw
Ngiraw (香菇)
[smmalu patas | ida npatas sspgan ka smmalu patas]
Ye ba kndalax knxalan hari 1970 de, ngiro nii ka wada qnpriqan ba mhuma ngungalan pila dseediq alang, ciida we mhuma ngiro kana ka seediq alang. Kari bnhangan mu we, uxe wano yencuming quri ita hini ka mnhuma ngiro ciida, kana yencuming Taywang ma, ani naq knkana ka pphuma na Plmukan duri mesa, uka inu ka ini phnma ngiro ciida. Ngiro nii we phmaun qhuni snbrexan, asi ka mosa gmeyu qhuni hhreyan ngiro, qhuni kuxul riyung mhuma ngiro ita Seediq ge, dara, tupih, bngebung, tamun, qgeri ma raus qalux. Egu riyung klegan ka qhuni pphmaun ngiro nii, gmao qhuni mkere ma hreyan riyung ngiro ka seediq, ado bsiyaq phreyan ngiro ma ini ksburo. Bsiyaq ba mhuma ngiro nii ka seediq alang ciida, betaq wada meelih rnihan na pila. Egu bale ka seediq quri ita hini wada mangal pila paru ciida duri, dehuk kana mosa maruy sapah Prisiya.