Nantowseyn Cjanskang
Nantowseyn Cjanskang （南投縣自然史館）
[smmalu patas | ida npatas sspgan ka smmalu patas]Paah hngkaas 2008 siida, manu ka Kwori Taycung keyueykwan ga hiya tmgsa Nantowseyn Cjanskang. Sprugun qmita ka nniqan alang tnpusu seejiq, yasa niqan nanaq ka knmalu klealang, kiya ni peuda quri “Knkla kndsan tnpusu seejiq” ni “kneudus pnhuma tnpusu seejiq”, sqita ni sejiqun ni euda ttgsa.
Nniqan Nantowseyn Cjanskang
[smmalu patas | ida npatas sspgan ka smmalu patas]Gaga psaan Nantowseyn Jnaysyang alang Paran Kwori Jnaykawnug ka Nantowseyn Cjanskang. Wana bi pyasan tgbaraw Jnaykawnung nii ka pyasan tgbaraw jnaysyang , pyasan tgbaraw Jnaykawnung nii ga, pusu bi pyasan tnpusu seeejiq. Pnhiyug klwaan Tanah Tunux siida, Cawhe hngkawas 7 idas 12 jiyax 20, prajing han o “ Taycungcow Use Nungyey cyangsiswo” ka hangan na. Bukuy do knpryuxan “Taycung santi cyey pusisyueysyaw” ni “Nantowsyeynri santi twanci nungyey pusisyueysyaw”. Minkwo hngkawas 57 wada pryuxan “ Taywansngri Nantow santi kawci nungyey cyeysyueysyaw”, dhuq minkwo 89 idas 2 do wada pryuxan “Kwori Jnaykawci nungyey cyeysyueysyaw”. Paah phiyug pyasan Jnaykawnug nii o, ida empsruway tmgsa lqlaqi tnpusu seejiq, asi ka emplutuc knkla tnpusu seejiq uri.
Qqpahun Nantowseyn Cjanskang
[smmalu patas | ida npatas sspgan ka smmalu patas]Pnaah hngkawas 96 idas 11 siida, cyawyupu ka pusu bi meuda qpahun nii, “ Kwori cjankeyuey poukwan ka muda qmeepah” tifang cjans cyawyukwan” tmgsa ni pddayaw qpahun.Empitu tifang cjanscyawyu ka dnyagan na, lnglungun ka knmalu na klealang, pdaun tmgsa quri cjankesyuey stgsa ni slhayun, musa kneinu pqtaun sejiqun, spowda mdungus “caytihwa” ni skeegu ka patas slhayun lqlaqi matas.
Spqita Seejiq snalu qyqaya hini ga mquri saw qyqaya djiyun tnpusu seejiq qmpah dxgal na qyqaya. pdaun pusa hini pqtaun sejiqun, kiya ni spkla quri endaan tnpusu seejiq Taywan kana ka seejiq babaw dxgal, saw ka mnshuya knpryuxan ka kndusan ni mmanu ka knkla kndusan tnpusu seejiq dnii, kiya ka musa mrana knkla dha quri ndhiya nanaq ni smku ni prnaan hici. Spqita na qyqaya o niqan ka pnatas patas, sassing, kulu samaw, tupyaw ni qyqaya djiyun qmpah, kiji, pyawpn dnii. Truma sapah Cjanskang o kmgaaw saw uuqun, llukus, dmaraw, ppaan ni gaga sqaya hiya kana ka endaan Seejiq/Seediq/Sediq sbiyaw ka gaga spqita sejiqun hiya. Tgdha baraw sapah Cjanskang o kmgaaw saw qnrqian qqhuni, qyqaya qmpah, nniqan sapah ni nasi bqanan duri ka qyqaya Kwori cjankeyuey do psaun dha ka qyqaya snalu nanaq emptgsa ni empuyas patas da.
Pnyahan pnatas(參考資料)
[smmalu patas | ida npatas sspgan ka smmalu patas]詹素娥 Lituk Teymu