Mqaras Tmsamat

Mqaras Tmsamat (狩獵祭儀)

Seuxal balay ka rudan Truku ga, mparu bi gaya hnici rudan, manu saw kiya do ana manu ka ddaun kingal qpahun o ida asi ka plealay smapuh Utux tmninun han! Snsnaw Truku ga babaw mnhdu ka tmbiyaxan kmtuy masu do musa bbuyu kana bitaq mkm7-14 jiyax, ini hmut musa, mmowsa bi brah na gbiyan siida, kingkingal sapah o qmrak kingal rudux gdraun dha ssapuh dha rudan, dara rudux o srisuh dha puniq, pucing, buji, smbrangan ni gasil, meysa quri tuxan hhtngay napa miyah sapah . Saw nii ka kari rngaw dha, “Utux Bari! kana spat papak mkkarang ni qqbhni skaya o nnisu kana.. Nii hini kana ka djiyun nami tmsamat ni tmqbhni.. Pkngahun su kana ka samat ni qbhni ni mhnuk nksa nami, psshjil nami miyah.. Saw nii tblaiq nami niqan damat. Mhuway su balay Utux Bari. Sus Bari! ”Sayang ka saw euda nii o ida niqan duma ka dmptsamat saw nii nuda dha.

pnyahan kari

• 金清山. (2011). Wikipedia 維基百科 族語詞條試寫─原住民族語詞條 2011作品集. 教育部.