Mqaras Mseusa
Mqaras Mseusa (織布祭儀)
[smmalu patas | ida npatas sspgan ka smmalu patas]Truku seuxal o ida asi ka mhuma krig, yasa paah krig ka tunun qabang ni lukus. Hmaun dha truma qdrux ni lnglingay sapah, kiya o prilan dha sudu ni qbulit, kika malu bi kndkilan na ka krig. Kiya do kykuyuh o madas gsak ni saan dha smkrig ka krig, kika maanuqih, qnqihan o maabkuwir, bnkuwir do tgyaan, tnegiya do dowsun, pndowsan do puyun qbulit ni maabhgay bi waray cinun. Babaw na nii gbuan tnabuy masu, kkhnuk na tunan. Hi na do psudun, pnusut do dgsayun, dnegsay do psaun ubung ni tunun da, tninun do maatnegxal, dha tnegxal o maakingal qabang da. Saw nii ka kari smapuh, “Utux Bari! kana saw mhru ni pglangun o pnaah sunan kana. Nii hini sayang kana ka gamil krig, hru qwarux, ni hru qhuni o negay su kana. Sbliqan su balay pkdakil ka krigq, qwarux ni qhuni ﹐tunun nami qabang ni lukus、brunguy ni towkan ni kana qngqaya djiyun﹐bitaq nami mgblaiq meudus. Mhuway su balay utux bari. Sus Bari! ”
pnyahan kari
[smmalu patas | ida npatas sspgan ka smmalu patas]- 金清山. (2011). Wikipedia 維基百科 族語詞條試寫─原住民族語詞條 2011作品集. 教育部.