跳至內容

Mprbagan

Pnyahan Wikipidiya

Mprbagan (春季)[smmalu patas | ida npatas sspgan ka smmalu patas]

Mprbagan nii we tgberah na knpryuxan karac rbagan, kiya kesun nami “mprbagan”. Yami Seediq peni na, wano rbagan daka misan ka kari miyan knpryuxan karac nii, bobo rbagan dige “mpmisan” kesun nami ka kiya, kiya de mprbagan, rbagan, mpmisan ma misan ka kari miyan 4 knpryuxan karac nii.

Karac na mprbagan (春季的氣候)[smmalu patas | ida npatas sspgan ka smmalu patas]

Netun spuyu Telu nii mesa 12 idas ka kingal knkawas ma, 4 knpryuxan karac ka kingal knkawas dungal, so kiya de maha 3 idas ka kingal pnmprbagan denu. Ado ka bobo ba mnmisan ka mprbagan nii, kika tgkingal idas han we hani so mnhurah ka huda, kika mssekuy hari karac ciida nana. Tgdaah idas di we, kndudul muuxun ka karac ma prading smtasil ka kana qqhuni, whwahil, ssudu ma ssperiq. Tgteru idas de mttilux hari ka karac ciida di, kiya de mphepah ka qqhuni ma whwahil.

Qqpahan mprbagan (春季的工作)[smmalu patas | ida npatas sspgan ka smmalu patas]

Mprbagan nii we tgkingal pnryuxan karac kingal knkawas, yami Seediq ge psramal mptukuy macu, baso ma mphuma kana so sunguc, sari ka pnhgalan ppuqun. Smratuc mptukuy macu ma baso ka Gaya miyan ba paru ciida, kika tmabul neepah ka rseno alang ma knbgurah neepah ka duma seediq alang duri, mhuma keguy ttinun daha ka mqedil. Egu riyung qqpahun ka mprbagan nii, ado pnrdingan ba kingal knkawas ka mprbagan, asi ka ini rahuq ddaun qmeepah.

Pteumal pptasun(資料來源)[smmalu patas | ida npatas sspgan ka smmalu patas]

Snruwan na Tiwas Pawan、Pawan Nawi ma Tado walis Dakis Pawan ka smnetur