Mnarux ini baka dara (Haiyangsing Pingse) (海洋性貧血)

Mnarux ini baka dara nii, Haiyangsing Pingse kesun daha, ma Ticonghaising Pingse kesun tnngayun duri. Anu Sehongsu di Tangpairen ini kmalu, kika niqal naq mgeela mnarux Sehongsu. Qtaan Taiwan ka mnarux klaali, ma snegul naq mtuting Zongsesing Pingsecung. Knkingal kbekuy seediq, niqal mmteru ka Ticonghaising Pingse.

Hmuwa lux niqal Ticonghaising Pingse?

Pnyahan mnarux Ticonghaising Pingse, pusu na ge, Ciingtupen ka Sehongsu Tanpai, ini ptuku msalu Sehongsu Tanpairen. Egu uka brahan sprulun ka Sehongsu Tanpairen. Kika dungus msalu dara, sliqan Zongse Hongseciyo, pyahan Pingse.

Daha klegan ka Ticonghaising Pingse. Ciyasing daka Iising Ticonghaising Pingse. Pntalang patis nWefupu, 6 pasento ka seediq madis Ticonghaising Pingse Taiwan. Truma na nii niqal 4 pasento ka maadis mnarux Ciyasing Ticonghaiyangsing Pingse. Ma 2 paseto ka maadis Iising Ticonghaising Pingse. Pkrwanun so knchdilan na ini baka dara ge, niqal kesun Ingsing, ma Cingcongsing ka Ticonghaising Pingse.

So kenu ka qqtaan meniq mnarux Ticonghaising Pingse?

Ticonghaising Pingse, pnyahan so naqah snalu na Sehongsu, ma so ini ptuku duri. Pingse dungal ge, niqal msama qtaan dqeras, ini osa pnuqan, ma muuwic, mgceyas, mguociya rebu, mbeeba rumun ma Picang. Mheru btunux pahung, ma mgibuh buuc.

Qtaun bale ge, kdesun na Congsing Ciyasing Ticonghaising Pingse srabu, uxe dehuk muudus Taiar. Bobo pnckaan ali snkeheruy, meeniq knkana ba Suwecong ka Taiar, Sinsuwayce. Egu ba ka mhuqil naq nbuwes truma, ma so mtuting asi lux mgedang.

Niqal maanu ka dndilan na mnarux Ticonghaising Pingse?

Bsiyaq spoosa dara ka mnarux Ticonghaising Pingse nii de, mtgutu naq hei na truma ka Tecu, pkkndudun smeeliq beyax bbilaq hei truma. Kika Kaninghuwa, ini kbeyax Sincang; ma anu bsiyaq spoosa dara ini beyo mangal stliyus, so ka Bising Kanyen, C sing Kanyen ma Aycuping.