Mkan pntrian

Mkan pntrian 婚宴

Mkan pntrian o uqan mstrung risaw ni wauaw siida.mkan rayi aji uri o uqan pnegrayi sun uri. jiyax mkan pntrian o tgkingal sun paru bi uqan Truku sbiyaw, kmeaguh kana dlutut risaw ni wauwa miyah mseupu mkan pntrian ka jiyax nii. Duri ni mnda pnerngagan psrahuq kari miyah qmita wauwa siida, mgay 2 aji uri o 3 babuy ka risaw pneysa rudan wauwa , qdalun na dlutut dha ka wauwa. Lutut risaw ka muyak babuy ka, ini ptlngi ka lutut wauwa, nasi 30 ka lutut wauwa o malan 10 duri ka nasug pniqan, mseupu do 40 pniqan da. Ngalun na ka 30 pniqan seasug na dlutut na. Msngari na ka 10 pniqan do psiyuk NA risaw kika. Ngalun risaw ka 10 pniqan nii ttuun dha ni seasug na lutut dha miyah teumal mkan pntrian nii, ana yaa pnbilaq ka nasug dha o mqaras bi ka lnglungan dha.

Empaarayi ka snaw hlmadan wauwa o rsuhan dgiyaq risaw mnangal wauwa ni biqan na pdagit.

Pusu n aka rsuhan dgiyaq sun o plealay bi tgkingal kntan nuduh siyang speekan dha snaw hlmadan wauwa.

Pusu na ka mgay pdagit o biqan na kingal pucing ka snaw hlmadan wauwa.

Mkkbaki ni mkkpayi kana ka rudan, mkkrayi kana ka snaw hlmadan wauwa ka mkan pntrian siida.

Mnhdu muda kana ka saw euda pntrian do seapa paga risaw ka wauwa ni mqaras bi wada na dsun sapah na da.

pnyahan kari

資料來源: 口述者耆老 Yuki Lowsing 族語編輯室 2016