Mangal tunux pais ka Rangk mnswayi

Mangal tunux pais ka Rangk mnswayi (朗克兄弟的獵首)

Seuxal balay o niqan dha hiyi mnswayi kiya o Yawi Rangk ni Sili Rangk, tgswayi Sili o mgseesu bi lnglungan na,tgqbsuran Yawi o mmnang bi hnigan na ni smkuxul dmuuy smbrangan,kmbrgan ka smbrangan na o miisug kana ka seejiq,yaasa knhungul na o tntama hma ka rngji asi na tdhai. Niqan kingal jiyal, Yawi nii ga miyah breenux mkaraw sapah ttama dnamyx tmaga pais alang seejiq Kbaran Kariwan hiya,miyah pnaah qmpahan ka seejiq do o qtaan dha ga dnamux sapah ka kingal paru bi seejiq dmuuy smbrangan,mskluwi mjiras mlawa ni dmuuy pucing kana miyah smtrung hyaan gaga dnamux ka seejiq alang,kiya ka kiya ni ini bi kiisug mknhuway mkan lumak na,mnhdu do o psaun na ruwan towkan ka puqan na, rqagan rngagan na ka seejiq gaga miyah smtarang hyaan,hmuya! Mkmphuqil namu knan! Iyah! Yahi mangal ka tunux mu. Tqqar hmgluq pucing musa mkan hyaan kana ka seejiq,yaasa taabalan ka hiyi Yawi wada ka pucing dha o “sas”sdhriq mhnang,ini ana angal cicih luqih ka hiyi na, 50 hiyi ka mniyah mkan hyaan o wada na phqili kana. Nasi mu dsun kaqna ka tunux pais nii o mha msriqu balay ki da msa lmnglung ni kiya do 5 tunux thlowlang ka dsun na da. Saw nii ka qbsuran aji hmut knspraan na musa Mdkrang,ida mu rngagun kkmalu na, ini qbsiyaq do musa mdkrang ka qbsuran Yawi o musa tghuy hyaan ka swayi na Sili uri,dha pgdadak qhuni.qtaan qbsuran ka hbaraw seejiq ni swayi na qtaan na ka dha hiyi mqpah dxgal,qbsuran na musa mhraw seejiq,duriq kana kq seejiq,ini angal ana kingal tunux pais,swayi na o musa mhraw dha hiyi o mangal kingal tunux pais. Mseupu dhuq sapah ka dha hiyi nii,kiya do ksyukaw ta smbrangan su hug?sun na smiling ka qbsuran na,mhlis hyaan ka qbsuran na ni rngagan na“saw isu nii ni! Mhuya msa dmuuy smbrangan mu hug ?” Embahang ka swain a do asi angal tunux pais paah towkan na lhugun sida qhuni baraw, aji hmut siqa na ka qbsuran na ni ini na sblaqi qmita ka swayi na ni sgealu na balay paqah siida. Niqan kingal jiyax smtrung thowlang Amis alang Ckasuan ka Yawi,babaw na kingal idas do strung ta alang Pupu hug?sun dha, “Iq wa”msa smiyuk dyaan ka Yawi nii. Rmngaw duri ka thowlang alang“dhuq ku alang do o emptqrngul ku bukuy alang ni babaw kingal idas qmnita su qrngul ka iyah alang Pupu da sun na”, dhuq ida saw rnngaw dha, mnduwa bi musa ni dhuq alang ka Yawi, siida swayi na dhuq uri qtaan na tgbrah ka thowlang alang do bsus bqtan na smbrangan msaang ka thowlang lungu na phqilun ka Sili swayi na do asi gmhtur ka Yawi ni ngali na tunux thowlang da, kiya ka kiya ni tunux nii o asi saw smiisug tmhma,wada dha qdeanun siyaw elug da. Dhuq sapah ka dhiya do 2 tleengan qtaan ka nii ruwan sapah,ida bi niqan snaw ka ni miyah mangal kuyuh ta msa lmnglung, nii kmrut siyang ka kuyuh na o trpi na ka dha baga na ni blbili paah truma srkaw snaw phqil na, wada asi kungat saang na da. Babaw na nii do o sayi smtrung mangal ka swayi su kuyuh, ngalan na kuyuh na.

pnyahan kari

• 金清山. (2011). Wikipedia 維基百科 族語詞條試寫─原住民族語詞條 2011作品集. 教育部.