Lqian tuqbsuran klwaan Tplaq

Lqian tuqbsuran klwaan Tplaq (孔雀王子-排灣族)

Niqan kingal diyax pnngalan kari, enca. Miyah rmngaw mpulah talangan babaw dxral knpriyux hnyuwan Lqian tuqbsuran klwaan Tpaq ka Utux Baraw. Mkeayu qsiya mrmux alang Sediq Paywan. Tnays bay qmita wisu mahu lukus siyaw ayu ka kingal paru doriq qridil, niqan pnskxulan ka lnglungan na, smdhu ngalun na empqridil msdungus, kiya ka knmalu bay qtaan qridil nii. Qnhbang u kla uri laqi qridil Bukung ka Muritan. Lqian Tplaq nii u ini na tduwa pspawx ka biyax skxulun nii, musa rmiwaw nganguc ciida ka dhiya u kntanun na pprngaw ka Muritan . wada kndudu prading psskuxul ka qridil mi snaw da. Psmanan lnglungan na musa smlay Muritan ka Lqian Tplaq nii, ananaq mqaras ka Muritan, binaw asi ka mangal pnsrwanan tnsapah. Kiya mi umawu kingal malu diyax ka Lqian Tplaq nii, musa smlay sapah Muritan, quri uuda dha lay nii u meysa srwaun bukung alang. Rrudan mi Bukung alang u hrtanan dha dungan ka Lqian Tplaq nii. Ananaq qnlqihan ka lnglungan na mi ini angal qnbliqan dha uri ka Lqian Tplaq, binaw ida ini alax ka hiya, kiya mi pqriyu na karac baraw ptrwahan na ka palic, ngalun na pnadas smtrung pntrwahan na palic kcka srhak ka kngkingal knsyangan qmuru ryori. Tnays bay asi kuka ka Bukung qridil, wada na dsuung kingal putting Hakaw Utux hiya da. Thnganan dha “qmuru Tplaq,” Kiya ka pnngalan kari qmuru ryoli.

(參考資料)

出處: 原住民委員會

翻譯老師: 廖蓮花 老師/ 編輯手: Robaw Saku 陳淑微