Lmukas
Lmukas(紅楠)
[smmalu patas | ida npatas sspgan ka smmalu patas]Lmukas nii u mhru llbu knrbawan dwiyaq Taywan, alaw tasul cida na u mbanah, kiya thnganan dha sa “ mbanah lmukas ” mnca, kndux bey ka wasaw qhuni na, tasul na u mbanah bay, msama mi sdhriq bey qtaan ka wasaw na, babaw rtrtan ka wasaw na u niqan kndux bey sknxan, msadu mi msama ka phpah na, tpupu wasaw qhuni ka phpah na u malu bey qtaan, hiyi na u mtapaq mtumun hari hnyuwan na, plalay mhiyi ha u msama ka rakaw na han, emphada hari da u kiya mplawa mi mqliyang ka rakaw na da, pqraqun ka qhuni lmukas u niqan wluq sqapah pnqraqan hiya.
Malu bey sknxan, mkray, knmalu qtaan mi mkray briyun ka qhuni lmukas, kiya smluun dha sapah, qqaya sapah, qqaya ddiyun mi qhuni thuun, rhiq qhuni na u tduwa smluun rakaw msadu mqalux hari, rhak na tduwa smluun abura, tduwa smluun qqtaan mi pkmalu nniqan uri ka muudus qhuni na.
Uqun tlaway ka wasaw na, qqbhni, bbruhuc mi pada dnii smkuxul mkan hiyi na, tduwa slkiyan dha pusa dangal, durang mi slak ka hiyi na uri, iyux angal qqbhni mi ccamac ka dsediq cbiyaw.