Lalay

Lale/ Lalay/ Lalay(金毛杜鵑)

Lalay nii u qhuni　nanaq nTaywan hini, msquri hidaw mdakil mi msama kddiyax, mhru llbu mi ckcka dwiyaq, kiya ka dxral shhrus ddoras mi kkatu, hrwaan mqalux hari ubal mi mbanah phpah na ka lalay, kiya “lalay mubal king”sun dha.

　　Mkray bey mi malu bey srbiyan ka qhuni lalay nii, ngalan pusa slak sediq musa lmiqu, smqic kingal pusu qhuni ka dhiya han, kiya swasan dha ka cida na, ngalan dha uruc phniq ka kiya, sqriyan dha mhungun hari ka icil, icil u srbiyan dha bhniq kiya, kiya truma hari bhniq da u sqriyan tikoh prkhun dima, mquri narac u bkiyan dha mtumun hari slak, kiya ka daan tdiyan quri tkurih, uraqan, trabak, byucux mi kana qqbhni lmiqu.

File:金毛杜鵑 Rhododendron oldhamii -台北陽明山公園 Yangmingshan National Park, Taiwan- (9207641830).jpg

　　Uqun mhuwau sediq ka phpah lalay nii uri, pngpang hari uqun; kuxul bey phmaam qqtaan sediq; ngalan dha smalu caqur（parih）diyun dha qmpah uri.