Krig(苧麻)[smmalu patas | ida npatas sspgan ka smmalu patas]

Ririh so peeyah gamil hmeru ka keguy nii. Waso keguy ge mgsama ka rabu na, rudan de, mgceyas hari, ciwin ma mtumu hnyegan waso na ma hreyan egu uban runge ka toma waso na duri.　　Hmeru niqan cbuwan hido ma dheran mhhuriq hari ka keguy nii, mangal bunga na prana mhuma. Bobo na dehuk idas 2-3 phmaan daha, kkkawas kingal ge mnteru ma sepac ka sqitun daha, kiya ka meyah mssbarux smtuku qmetuy keguy kana ka seediq alang.

　　Mqedil ge mangal gesak, skgigan daha smkeguy han, mhedu smkeguy de, phdagun na dungal ma, pdaung daha muqah, tmgiya, dmaus betaq rmebu rako na ware nii, kiya kesun daha ware nuqah ka nii. Ngalan daha egu ooda ka ita Seediq nii duri, so mqedil de, stinun daha lukus ma pala, rseno ge, slmeun daha qqeya ddesun lmiqu, so ka snuyuk, snuyuk tlenga, tokan bale, wahul ma kadi qcurux…knii.　　