Kaytakran taypey
kaytakran taypey/台北凱達格蘭
Niqan kingal saan qmita seejiq ka knkla rwaan sapah ppqita smnlaan qtaan,ga mniq Taypey Pey Tow paru alang,pnaah spat kbkuy hngkawasan blah siida,Pey Tow nniqan hini o , Kaytakran seejiq tnpusu kndusan dha,Pey Tow esun kari o kiya saw psapuh kuyuh msa, kiya ka kiya ni kika knsmalu saw kmbrih nsbiyaw ppqita smnlaan emptseusa saw euda ka skuwan ana manu kaya sbiyaw,saw lukus tminun,jjiyun sapah,klgan maxal mataru seejiq tnpusu.niqan maxal tklang ka knparu na ka kaytakran ska o ini dduwa mkan tbaku ,niqan ka elug saw dduwa mtmay paan mnaru seejiq ,ga mataru tatey o niqan saan punuh laqi wawa,baraw na sapah,truma txgal o niqan dha,truma do kika saan mniq sngayan tdruy spat ribaw,utubay o mniq baraw babaw txgal kiya,kana knblagan paru kaytaklan o niqan maxal tadey,brah hngrngun o niqan kuwakaw ptasan,mtmay ska do,qtaan ka ga mniq brah bi ka saw nniqan mgrig ni muyas,ga mniq iril ka saw brigan saw kaya tnpusu seejiq txgal,niqan ka saw dmayaw seejiq meepah musa nanak uri,tgTruma kingal tatey o,nniqan saw ana manu ddusan pqtaan maxal mataru tnpusu txgal seejiq emptsuusa,saw tru karat do qnpriyuxun na ka saw ppqita smnlaan qtaan,mha baraw tg dha ni tgtru tatey o nniqan tnpusu txgal pnlukus seejiq,saw jjiyun kaya puudus ddusan alang seejiq sbiyaw,tgdha o nniqan paru sasaw samaw alang,tgtru o ga pqitaan saw Pin Bu klgan ni Taywan tnpusu txgal seejiq saw ana manu gaya ddusan ppqita smnlaan.tgspat ni tgrima o nniqan saw puuyas ni rmgrig,dduwa saan prngaw kari,cims saw uuda,bilaq sasaw samaw,tduwa ptmay mrimal ni epitu kmxalan seejiq,tgmataru tatey onniqan patas pqtaan,saw tduwa niqan rudan ni laqi waw,tgempitu tatey o nniqan saw qmita patas ni pprngaw euda ni qnpahan saw cisa kkla euda,tduwa ptmay mrimal ni mataru seejiq,tgmaspat tatey o nniqan uqan nhapuy qnpah ska seejiq, tduwa ptmay mrimal ni mataru seejiq,tgmngari tatey o saan smluhay rmgrig ptasan, tduwa ptmay mtru ni mspatul seejiq,tgmaxal tatey o nniqan qnpahah thowlan.
