Kari rudan cbeyo ka seediq mbtunux togang(baro) - Kavalan

Kari rudan cbeyo ka seediq mbtunux togang(baro) - Kavalan ( 噶瑪蘭族－冬瓜美人的傳說 (上))

Cbeyo, niqal kingal seediq mhuma snlayan rehaq togang, knthuwe na reesun dheran truma rehaq ka heya, wada hmrinas ka ali de,sntasin ma khei duri,tmara betaq mhada de bcbacun daha ngalun na ppqun ciida,melux qbahang hrenang pneeyah togang truma mesa “ iya ku bcbaci’’, asi lux sklui ka seediq mhuma, uka pahung na mekan duri,kina asi psai sapah di. Ini qbsiyaq, ceka ma mhada riyung ka togang, kndalax truma milo kingal ka mqedil. Mqqaras seediq mhuma ngalun na kesun seediq mbtunux togang ka mqedil nii.

Kndudul paru ka seediq mbtunux togang,ma kndudul mbtunux duri, ncuging mosa ssiyo mangal qsiya,kleeluw niqal eguw seediq mesa qsiya na ka heya,dungus de ado mksndaling heya, kika klaali ini dehuk sapah dungal de wada uka sngari qsiya na ka cuqi di, uka ani maanu di.