Kari quri utux

kari quri utux Sbiyaw balay niqan kingal ka seejiq Truku.Tadaw ka hangan. Niqan kingal jiyax musa tghuy lupung na kiyig alang,gbiyan hari do tgrmagun dmuuy kingal lungaw sinew mmaah sapah, muda siyaw yayung siida, qmita harung utux ni miisug balay ka hiya, mtmring ni mdka saw lhkah ka kana hiyi na,yaasa “Qmita harung utux ka seejiq o mha naqih utux dha,”mnsa ka kari bnhangan na rudan ,asi  raraw nhari muda elug isil ka hiya da. Aji biyaw dhuq alang na siida,asi lu qmita kingal saw seejiq duri, gisu mlglug ska bbuyu nimiisug balay ka hiya da,“Rat”msa hmgluq pucing ni lngu msipaq do plealay powsa bag aka utux ni asi lu wada psbu gaing ka pucing na, pklug mniq dalih ka kingal mmanang bi risaw, embahang mjiras msa“waw, waw! Angal ku”msa o ini qtai ga inu,kiya ni embrinah alang musa tmaus rsrisaw ptduuy harung samaw miyah dmayaw miying,wana galiq pqaya qhuni ka qtaan dha, murug galiq nkbbuyu tmabuy bitaq ayug, kiya do hlayan dh aka seejiq kiya,gamksaraw hiy,psnkingal hngak nani wana hhuqil da,kdagun dha dhuq sapah,sdranaan dha do,kla su ha utux swayi bubu na snaw ka miyah smeisug hyaan.

pnyahan kari

資料來源耆老楊文正 2013