Kari pnsltudan rudan ndaan psgao

Kari pnsltudan rudan ndaan psgao (賽德克族-死後審判)

Mesa kari nrudan. “Kkdusun nseediq asi ka mdulumc nqqepah,ado ka mhuqil ciida, maha niqan nkingl utux psdehu hako psgao na,”

Nasi so rrseno wada mhuqil de, baga na heya asi naq moda psgao utux pqlahang hako,Nasi so taan baga na niqan pdhung dara we, kiya sa klaun na mesa mdrumc ka heya,Utux pqlahang Hako kiya di we, maha suna asi pooda Hako mosa sipo yayung hiya.Kingal uri,netun mhuqil ka kingal mqedil mkela riyung tuminun miri de,Utux mpqlahang du ge maha na asi ppdai hako mosa dehuk tnlangal lmedax hiya.Niqan Dungan, na si so mqedil ini kela tuminun(miri) wada mhuqil de,Utux mpqlahang ge,uxe naq na psrwaun pooda hako,ma maha naqah ba so nii,Heya we maha na sciqun utux mpqlahang so toma ruru rbeyuq,ssaan na ppeekan utux karang.Alang Tayan Mbgala hiya nii qan kari pnsltudan so nii duri:Mhuqil ka seediq we, asi naq qulung moda psgao utux mpqlahang,Netun so bag ana ini ba ka kntanah,Utux mpqlahang we sbege na kinal hukuc mntena knrkawan na naq heya,Kiya ka pplahun na ma moda hako, netun so wada pudu ka hukuc nege na di we,so kiya nii de asi su naq qulung moda psgao utux mpqlahang Dungan.