Kari pnsltudan ndaan daha hido

Kari pnsltudan ndaan daha hido (賽德克族-兩個太陽的故事)

Kari rudan cbeyo, niqal daha hido cbeyo cbeyo riyung, uka kesun keeman ciida, mttilux riyung karac, lmngelun ka seediq, asi naq cbuung kingal hido si seediq.

Kiya naq niqal kingal riso smruwa mqada kndesan na mmaha cmebu kingal hido. Ciida, maapa kingal laqi rseno ka riso kiya, ma mmaha di, ndaan na eluw kssiyo ka heya ge, phumaan na tlahi daka mudu.

Eluw ndaan na, wada hmrinas eguw knkaws ge, ini na dheki dehuk ka heya naq, ma dehuk hiya ka mnapa na laqi rseno kiya. Msdaling deriq na hido ciida ka laqi rseno kiya, mangal budi ma mquri hido cmebu ka heya, qulung ba, wada na ttingun ka kingal hido di, kndalax ciida, betaq mntena saya, niqal snaaxan diyang daka keeman ka bobo dheran.

Kii kleeluw meyah alang ka heya, mkkesa ma mekan tlahi daka mudu pnhumaan na rudan mnapa heya. Dehuk alang heya ciida de, wada daha klaun seediq mnosa theya nii, laqi rseno mnapa seediq, wada mgrudan ma qudi kana tunux duri di.

Pnyahan pnatas(參考資料)

• 《Kari pnsltudan nrudan nSeediq》- Temi Nawi (曾瑞琳).
• Tseeru na mptgesa Walis Pawan(郭明吉) ma Bakan Temu(梁秀珍) ka pnatis nii.