Kari ddrudan~mssahur

Kari ddrudan~mssahur(老人的話，放在心裡)

Kana rdrudan mneniq alang kssiyaw Paran hini sbiyaw, ana nanaq nToda, nTruku, nTgdaya , Tayal, Plngawan ni Bunun , nii nami msseli alang Paran hini sayang kana lqlaqi namu, pusu balay o miyah nami pgkla kari ndaan namu sbiyaw. Siida o wada spuuda Gaya na Seejiq Tgdaya ka Tanah Tunux mniyah prabang qnlhangan na ita hini, ndaan kiya o ana dhuk sayang ga dha prngagun balay dungan. Balay bi saw kiya siida,kndadax mrmux alang ta ka Tanah Tunux o, ana naq saw nsaan tmrtun Tanah Tunux, ana naq knudakan alang dha, hbaraw balay ka rrisaw ta knkingal Gaya wada peangal hiyi ni wada qmada hiyi dha uri, malux ta saw nii mkeekan o uxay pusu ta nanaq ita seejiq kana ka kiya, irih saw snrkiyan na Tanah Tunux, tnsraki na ddkan pqlahang ita. Balay bi ita kesun Seejiq o, ini dhuk kmremux knkingal alang ka Gaya ta ita , ini ta kmhmuc lmqi uri. Sayang do nii nami mtbalay kana da, mkla nami meysa tnrkiyan na Tanah Tunux mniyah prabang qnlhangan ita hini ka kiya. Sayang duri deo Tlu ka ga miyah knpriyux qmlahang ita hini da, ma nii mgntun jiyax 80 knkawas ndaan namu mqrakil ka sayang, kika drunan nami balay ka Ma-ing-cyo congtong miyah suupu yami hini, hiya ka qbsuran balay paru Taywan hini sayang, yahi bi cikuh mtmay ka mskingal lnglungan nami mptbalay knkingal Gaya jiyax sayang kesun nami.

Psmyahun nami o, peiyah「Gnaalu ni Pnsbalay」yami kesun mddahur Seejiq nii, naka ta spuun lmngelung ka pntbalay na kana seejiq ini pntna Gaya ga mniq alang ta Taywan hini. Bqani nami knkla namu ni biqi nami biyax daka gnaalu namu, dduli nami ana bitaq knuwan. Snpuwan dmurun lqlaqi namu！

Pnyahan pnatas(參考文獻)

• 詹素娥. (2011). Wikipedia 維基百科 族語詞條試寫─原住民族語詞條 2011作品集. 教育部.