Kari alang Truwan nSeediq(Toda)

Pnyahan Wikipidiya
跳至導覽 跳至搜尋

Kari alang Truwan nSeediq(Toda)[smmalu patas | ida npatas sspgan ka smmalu patas]

sun yami Sediq kida hay, turu mnswai alang, kiya ka alang Toda,alang Truku mi alang Tgdaya.

yabay nami alaw uka patis ka yami nSeediq, kiya ka sqrahuq hari kari nami saya da. yabay nani wada bsiyaq balay mswayay da, niqan cikuh ini pttuk ka

hngak kari nami da, niqan ka kari nami ini pntna balay dungan. ana saw kiya u, nhtun ta sph angan hangan alang ta ita nSeediq lmnglung daw, musa niqan tikuh ka klaan ta pusu rudan ta, saw ka alang Truwan, alang Ruku mi alang Rkddaya. Dha ka alang sun Truwan way mniq alang ta ita Sediq, kingal u way alang nTruku, Truwan Truku sun dha, kingal u way alang ntdaya, Truwan Tgdaya sun dha. Barah uka alang sun Truwan ka nToda, nisu ta ini klai ka kiya da, ana naq niqan kari dha emsa alang Bngbun, ririh dha alang Truwan ka nToda, ini pndungus mskingal ka kari dha sow kiya. niqan ka “alang Truwan” rrngaw mu hini u, alang “Truwan Tdaya”. emsa ka kari tnsaan ku na rdrudan nmi Tgdaya, mnniq ta alang Truwan kanna ita sun Seediq nii cbiyaw emca,pusu ta bay rudan ita Seediq u, pnspuruq “Pusu qhuni” emca, kndudun mrana ka hiyi sediq dow, mrana mrana mi miyah dhuk Truwan da emca.
Truwan Tdaya u, mngari alang mnniq hiya emca rudan nami Tdaya, musa niqan ka, way nami ini klay duma na emca. Snpuwan dha u, niqan alang sun Truwan, alang Knuuh, Ruku, Rkdaya, Skikun, Tasaw, Brenux, Sipaw mi alang ayu. ya bay alang Truwan ka, nhangan dha tnlangan, kika asi dha nxali sa Truwan,dxran quri hiya da. ana beytaq saya,k ntun smnru ndaan rudan ta cbiyaw, rdrudan nami Tgdaya u, spiiyah dha Truwan hini ka pusu kari ndaan rudan ta cbiyaw mi kari sun daha “Pcahu” ka srngaw dha.
Yabay ima naq uri ka sediq mniyah Pcahu alang Truwan hiya cida, ya bay Plmukan emca duma mi, yana Tlu emca ka duma, wa daha ini hari kklay. San dha mqi xiluy ka pusu qsiay mmahun sediq Truwan hii emca, sragan ka xiluy kiiya dow, mnarux kana sediq mnimah qsiya sragan kiya emca, mllabu nbuyas mi pbrih ka mkan idaw, ana asi spuhi u ini kmalu emca. uxay dungan, wada rmhak ciida ka rudan ta mnniq Truwan hiya da emca. Sow nii ka kari snrnuwan ku dha.
kiya kndadax ciida, musa tmalang alang ungu mi alang qacuq, Suku, Paran, Tkanan, Tongan, Sipaw, Drodux, Mhbu ka alang Boarung do. niqan ka alang Pralu daka alang Bkasan u, wada suupu musa mniq Bwarung ka dhiya, balay bay u, sediq nToda ka dhiaya, wada miyah tuuman waya ta ita sediq Tgdaya, kika yahan ta na qmlahang Tanah Tunux da, maxal dha alang ka snpuwan na alang nami Tkdaya.
Niqan kingal kari sneru dha dungan, kari sun “damay doriq”, mniyah dhowk alang Truwan ka, dha damay doriq cbiyaw emca, kingal mniyah emca ka duma rudan smneru kari nii. mniyah umarang tmsa kari utux baraw ka damay doriq kiya mesa, tmsa hmanguc qbulic mi cmamau harugn bungan emca, kuxun bay musa sluhay ssnaw alang, hmanguc qbulic dama smmalu halugn, mqedin daka laqi ka, musa ncuwin mbahang kari utux baraw.sow ni beytaq sayang wada ta qbhangan mi qtaan hbaraw bay nwalu dha ka “damay dowriq” sun dhiya sdhuun balay sediq babaw dxran sayang.