Kari Ptpusu Laqi

Kari Ptpusu Laqi (成年禮)

Sexual Truku o ungat ka sapah ptasan, kiya do o tama ni bubu ka dmudul ni tmgsa lqian. Mkkla ka laqi snaw dga, tghuy tama na smluhay kana euda laqi snaw, laqi kuyuh o tghuy buab na smluhay kana euda laqi kuyuh.

一、 laqi snaw paah 8 hngkawas na do tghuy tama na Smluhay

1. Quri qmpah： Paah tmatak, gmqhuni, tmabun, tmukuy, ni mgalang, duri o smluhay mhaal ni mapa mshjil.
2. Quri mseusa：
   1. Tminun towkan, kray, brunguy, gupuq, giya, bluhing.
   2. Smquri wihi, kayu, sru, duhung, kululuan, paga, ubung ni kana qngqaya cinun.
   3. Smmalu libu tmbgan, biyi qmpahan, rpun ni sapah.
   4. Tmqbhni o dmangar, tmlnga, lmibaw,tmbabaw.
   5. Tmsamat o rmbuq, qmlubung, dmurang, maduk ni mgsbu.
   6. Smluhay dmuuy pucing, bhniq ni pucing.
   7. Kmlawa sapah ni alang aji ttmmay pais.

二、 laqi kuyuh paah 8 hngkawas tghuy bubu na smluhay

1. Mmkay ruwan sapah o mhapuy, smksik, mahu lukus ni kmaraw llingay
2. Tmabug rudux, ni babuy, musa mangal wahir, mapa bunga ni mdngu qhuni thuun mhapuy.
3. Qmpah o qmibuh, tmukuy, mhuma mgalang ni mhuma krig.
4. Quri mseusa o smkrig, mnuqih, tmgiya, mdaus, dmgsay, tminun qabang hhilaw, lukus, plkusun na miri. Rahuq na hiya, ini pstrung ka risaw ni wauwa han o, pdkaran bi mimah sinaw ni mkan lumak, yaasa sinaw ni lumak o smeeliq kndkilan laqi ini pkkray ka hiyi dha ni mgdma ka knkla dha uri msa ka rudan. Sgnaah mtkla bitaq tghdu ddulun tama ni bubu ka laqi o yaa bi 16 hngkawas. Laqi o tghdu ka kbdkilan, knkla ni biyax kkeudus do o ,biqan kari Bukung ttpusu dha ni mkla nanak euda meudus, kika sun Ptpusu Laqi. Kari Ptpusl Laqi o saw nii:
   1. Biqan kari
   2. Biqan qngqaya
   3. Tduwa ptasan
   4. Tduwa mstrung

Mgay kari laqi snaw ka Bukung： Biqun maku pucing、towkan ni bhniq, djiyun namu meudus bitaq hnqilan Gkuwak namu bbuyu, aangal tgqitan ni teerungan. Gkuwak namu pais, aangal kneudus ni euda hakaw utux Rmngaw laqi kuyuh ka Bukung： Biqun maku qngqaya cinun ni miri, djiyun namu meudus bitaq hngqilan. Kkla namu tminun ni miri, euda hakaw utux Smiyuk rmngaw Bukung dha ka laqi na： Bukung！Ida saw nkari su daun nami Mspgriq ni pgkla laqi snaw ka mdudul laqi snaw： Mdudul laqi snaw：Nii o bnegay Bukung ta , djiyun meudus bitaq hnqilan. Kana laqi snaw：Ana rabang! Mdudul laqi snaw：Gkuwak ta bbuyu , aangal ta tgqitan ni teerungan Kana laqi snaw：Ana rabang! Mdudul laqi snaw：Gkuwak ta pais , aangal ta kneudus uuda hakaw utux Kana laqi snaw：Ana rabang! Mspgriq pgkla laqi kuyuh ka mdudul laqi kuyuh. Mdudul laqi kuyuh：Nii o bnegay Bukung, djiyun meudus bitaq hnqilan. Kana laqi kuyuh ：Ana rabang! Mdudul laqi kuyuh：Kkla ta tminun ni miri, euda hakaw utux Kana laqi kuyuh ：Ana rabang!

參考文獻

• 金清山. (2011). Wikipedia 維基百科 族語詞條試寫─原住民族語詞條 2011作品集. 教育部.