Juan Orlando Hernández (胡安·奧蘭多·埃爾南德斯)

Mntucing hngkawas 1968 idas 10 jiyax 28 ka Juan Orlando Hernández ga, empklaw ka hiya.

Bukung klwaan Honduras ta sayang o kiya ka Juan Orlando Hernández, pnaah hngkawas 2014 idas 1 jiyax 27 pnrajing kmlawa klwaan.

Juan Orlando Hernández Alvarado(胡安·奧蘭多·葉南德茲)

Juan Orlando Hernández Alvarado (Kari Spain: Juan Orlando Hernández Alvarado; pnhnang kari Spain: [xwan oɾˈlando eɾˈnandes alβaˈɾaðo], slxan dha matas JOH; kngkawas 1968 idas 10 diyax 28-), Honduras seyjicya mi sediq snbari, kngkawas 2013 cida kcka Honduras soto seyngkyo wada mbiyax mangal, kngkawas 2014 idas 1 diyax 27 mniq sotu Degucigalpa Qnlhangan Tiyucang muda psdhu phiyu soto. Hiya u pawsopay cngtang Kokominto cngweyn, brah cida han pa mnkngkawas 2010 dhuq kngkawas 2013 ngalan Kokomin Gikay gicyo.

Kndusan(生平)

Juan Orlando Hernández Alvarado u mnqpahun ryusu, mnhdu muyas Pyasan Tubeyhing Pnhiyu Qnlhangan Cucu Honduras Horicu Si, kngkawas 1988 dhuq kngkawas 1989 wada phyuwan mpuyas huy cusi, babaw niya daw mniq Pyasan Tubeyhing Pnhyuwan New Yurk Co mnhdu muyas Syakay mi Horicu Koswey keyngkyo pnyasan, wada dhguq mangal kongkong kwanri swosu sweywey. Hiya u mniq alang niya nanaq muda pmpah phuma qnpahan kahuy, kiya uri u niqan ka qpahan niya sanan mimah sinaw, pradiyo mi qpahun ptreybi. Juan Orlando Hernández Alvarado pa niqan bay hnhanga mniq seyji Honduras ‘Mbbiyax Pay’ seyjicya, bukung Mtrawah Tang Rafael Pineda Ponce u muda smnru hiya pa taxa ‘Laqi Wada Lhayan’ (cipote malcriado).

Kngkawas 2001 cida, Juan Orlando Hernández Alvarado u wada mnLempira Sng Kokominto na giying, kngkawas 2010 idas 1 diyax 21 Kokominto mniq seyngkyo kwohuy cida wada mangal hbaraw hiyi giying, mniq babaw tu4 diyax daw wada psdhuwan phiyu Honduras Kokomin Gikay gicyo ka hiya.

Kngkawas 2012 cida, Juan Orlando Hernández Alvarado mi kicka tang dha Ricardo Alvarez muda pnsung, smatang mkngkawas 2013 Kokominto na soto hosweynjn, hiti daw Juan Orlando Hernández Alvarado ka wada mbiyax kngkawas 2012 idas 11 na kcka tang seyngkyo.

Mniq kngkawas 2013 idas 5 diyax 3 na 1 kcka patas smniling minyi tyawca pa, ya bay musa mangal 18% hyo ka hiya. Kngkawas 2013 idas 7 cida Juan Orlando Hernández Alvarado u prading muda seyngding soto seyngkyo niya, mniq kngkawas 2013 idas 11 diyax 24 kcka seyngkyo soto cida, Juan Orlando Hernández Alvarado wada mangal 36.89% hyo mbiyax mangal mi psdhuwan phiyu soto, kiya mi iyax diyax bqpahun niya soto u dhuq kngkawas 2018 idas 1 diyax 27 mnhdu.

Pusu balay muda pnsung hiya ka Mtrawah mi Snburah Phiyu Tang (LIBRE) soto hosweynjn Xiomara Castro de Zelaya u 28.79% wada ini baka, binaw hiya u ini sruwa ini baka, muri balay meysa seyngkyo yingkay tbrinah smpu knkana hyo dungan.

Juan Orlando Hernández Alvarado u mniq kngkawas 2014 idas 1 diyax 27 muda pkla kari pnsdhuwan cida rmngaw, hiya pa muda mbiyax balay muda muru kari pnyahan niya seyngkyo cida ccng kangring mi pusu qpahun, smbiyax tuhuy Amirika, Mexico mi ssiyaw qnlhangan na cyuyu msupu qmpah, lmutuc sntama biyax heytay mi keysacu pkmalu kndudul mqnaqah ka qnbliqan syakay, pkrana qpahun seyhu, pdudul pkrana keyjay qnlhangan, pkdakil mpqpah ryu, pklihun ka mqrinuc sediq piri, psbalay quri saking qnlhangan.

Soto Columbia Santos, soto Panama Martinelli, soto Costa Rica Chinchilla mi mk56 qnlhangan mi snkulan rmirih psliyan kwoci u miyah tumal pnsdhuwan phiyu soto Juan Orlando Hernández Alvarado kana.

Cida u niqan mkbkuy hantay tang Mtrawah mi Snburah Phiyu Tang na mpdkuh pa musa sotu mkelu muda kangyi tmhri, msang pnklanan ccng niya Juan Orlando Hernández Alvarado. Uuda swey u mniq mtbaly bay muda, ini uda mquri mrrudu.

Kngkawas 2017 cida muda knbeyhing seyngkyo soto ka Honduras, muda dalih 1 idas ka rmawah hyo mi tmawa cida, idas 12 diyax 17, tubaraw balay seyngkyo hwating ka pkla kari Juan Orlando Hernández Alvarado ka mangal 42.95 hyo wada mbiyax tikuh balay Hantay Tucay Hatay Pay Ryeynmong Salvador Naslaya ka 41.42 mnangal na hyo, kiya wada lmutuc soto dungan.

Keyngko(健康)

Mniq kngkawas 2019 Cyokoku Uhan Narux Punu Brah (COVID-19) bnbur narux iyax cida, Juan Orlando Hernández Alvarado u mniq kngkawas 2020 idas 6 diyax 17 pkla kari hiya mi qridin niya Ana Cyasia Kariyas u wada ruwan narux Uhan Narux Punu Brah (COVID-19) kana.

Pnyahan pnatas (參考資料)

List of current heads of state and government
Tnhjil kari seejiq Watan Diro(瓦旦吉洛) mtabug.