Ini pstrngi ni mshjil[smmalu patas | ida npatas sspgan ka smmalu patas]

Sbiyaw o ini ta mhmuc(t) qmraq wauwa, nasi mshjil ka wauwa do, ida msaang kana ka seejiq alang. Nasi spowda gaya, seejiq o mkan siyang tnsapah qrijil/kuyuh. Wada pshjil wauwa ka snaw o ungac(t) kari niya ni empsahug babuy, seejiq o ini kan siyang tnsapah snaw. Wauwa nii o seejiq ka mkan siyang tnsapah niya, sqtun dha ka snunux wauwa, kiya ni tay saw uxay mhmuc(t) rmigaw.

Paah siida, ini mhmuc(t) ka risaw ni wauwa da. Asi ka mnda pnstrngan, muda smrayi, smruwa ka wauwa do kika pstrngun da, nii o gaya tnegsa rudan. Nasi ini pstrngi ni mshjil ka wauwa, ida smiling wauwa ka tama ni bubu wauwa, ima balay ka snaw kiya, wauwa nii o ini balay rngaw hangan snaw.

Wauwa o ini seeliq hangan snaw. ini hmuc(t) rmngaw, duma wauwa o mgssu ni msiqa, msiqa qmita seejiq alang, seupu snaw ni tbsqur, yasa ungac(t) dqras dha qmita seejiq.