Hlama masu

Hlama masu(賽德克族-糯米小米)

Msinaw sinaw masu.

Masau dhquy u splalay dha spcikan duhung maabuwax han.

Babaw na du rbuwan qsiya ka buwax masu mi beytaq mhnuq cikuh du ngalun mi psaan ruma kulu tluwan psluan mahpuy beytaq beytaq kiya du psaan babaw rawa btuku psltu.

Babaw na siida tletu ka hlama masu stbabaw ruma spawan nabaw brayaw dmi,rmxan twula du lbuwan dha dungan nabaw brayaw mi waliq pala,kiya mi qqahan dha bitaq mquduh.

Babaw qsquduh dha ka hlama masu du,slabu dungan waliq mi psduyan dha baraw puniq,mkspac jiyax dudul mcilux du,psaun dha ruma salaw misheyri cikuh qsiya du,mukun mi skrtun dha wasi mkuy ka quwaq salaw.

Babaw yaa ba maxal rima jiyax du,maknux sinaw masu kana ka ruma sapah,baka mhada mi masinaw ka hlama masu da.kiya do hriyun dha psusu rawa wihi snalu qwarux ka sinaw masu,kiya ka sinaw masu sediq ni.

Kiya ka kiya mi niqan saw nii ka waya,nasi seyyax uduri babaw qnqahan dha smalu sinaw hlama masu,kiya u mapunu mnimah sinaw nii ka sediq da.

Pnyahan pnatas(參考資料)

• 出處 : 鐵米拿葳依《泰雅賽德克族人食物及其典故(一)》p11
• 出版 : 唐山出版社

• 翻譯老師：張正祺老師/編輯手：Lawpaw nawbu 王益忠