Hbun kramay

Hbun kramay（煤源中部落）

Gaga mniq Sincuseyn Ceynsusyang ka alang Hbun kramay. 109 sapah ka kneegu na sapah, 386 hiyi ka kana knhbragan na hiyi. Tnpusu seejiq o mangal 93% niqan 359 hiyi sp, rahuq na uxay tnpusu seejiq o mangal 7% niqan 27 hiyi koia.

Thiyan alang(部落特色)

Ini bi klai pnyahan inu ka alang hangan 「Hbun kramay 」nii, eniq hiya na neseejiq Atayal o thnganan dha 「Segak」，「Segak」dungus na mniq kari Atayal o 「kska」, yasa au bi mniq kska hbaraw bi alang Hbun kramay ka alang nii.

Nniqan alang(所在位置)

Nyusan Sin-cu nsgan Ciyeyn-s alang Sing-re.

Klbangan(範圍)

Sdalih hari saw nyusan Sin-cu nsgan Cyeyn-s alang Sin-re 10 rin, tmhangan dha 「Segak」ka seejiq nealang, kika tgdha ciway na hangan alang Hbun kramay ka hangan alang nii, gaga hari mniq hunac hraan hidaw 2.5km ka nniqan alang Sin-re nii.

Kndkilan lnglingay(地理環境)

Gaga mniq narac daya yayung Yo-rwo-si, kska ayug na daya ddgiyaq Ta-hwun-san, hnigan dgiyaq o yabi 600-650 hari ka knjisan.

Tnealang seejiq(部落所屬族群)

Atayal.

Skari(使用語言)

Kari Atayal ni kari Tlu.

Snhiyan cung-cyaw(宗教信仰)

Pnrhulan Ci-tu-cyaw ni Teyeyn-cu-cyaw.

Pnyahan alang(部落由來)

Pusu bi Atayal seejiq Mrqwang ka alang nii.

Pnyahan pgkla patas《kndusan na Atayal 》na pntasan ruwan patas o, nniqan dha seuxal o gaga mniq kessiyaw daya Cwey-jwan nuysan Nan-tow hiya, bukuy iyux dha giman saw bgurah dxgal, kiya ni tnhjilan kessiyaw igi yayung Ma-ri-qwo-wan nniqan dha, thnganan dha Wu-raw-se, bukuy yasa mskuy bi ka karac gaga nniqan dha, kngkkawas pusa huda ni snliqan kana ka pnhuma dha pnegalang, duma seejiq nealang o quri daya tnhjil dhuq alang Swey-teyeyn nniqan dha【nyusan Sin-cu nsgan Cyeyn-s alang Sin-re】bukuy yasa sugun dha miyah sbuc ka alang Ce-aw-reyey, kika krinah igi yayung Ma-ri-qwo hiya nniqan dha duri ,hangan alang Cyeyn-yi o Pa-s, （Pasiyo）, bukuy do tnhjil quri alang Sin-re yayung Yow-rwo dungan, thnganan dha alang Pa-s na. Bukuy paru tgdha tnjiyal knlangan, yaasa egu bi nnangal btunux Mey-kwang ka hini, kika klaun dha kana hangan alang nii o「Hbun kramay(煤源)」. Tgdha ciway na hangan alang Hbun kramay ka hangan alang nii.

Alang Meyuin Cong【Hbun kramay】(煤源中部落)

Ngayan alang:Alang Meyuin Cong【Hbun kramay】

Snnaaxan alang (部落特色)

Ngayan alang “Hbun kramay” ini ba klai ka dungusna nii.

Tnngayun naq tnalang Tayalcu “Segak”, “Segak” , kari Tayal dungus na ge, “Cceka”.

Anu ga bale meniq alang cceka ka Alang Meyuin Cong nii peni.

Nniqal alang (所在位置)

Sinrocun Censusiyang Sincusen

Gnyusan alang (範圍)

Quri 10 ring Singrocun Censusiyang Sincusen, splawa “Segak” na seediq Tayal duri.

Nngayan naq alang truma Alang Meyuin Cong.

Ga meniq narac thunac maha hari 2.5 km alang Singro hiya.

Dheran pkdkilan (地理環境)

Ga meniq ruru Yoro tdaya tgnarac ruru, ayus dgiyaq Tahun tdaya.

Haypa maha hari 600-650 m truma.

Nluwan alang (部落所屬族群)

Tayalcu

Sprengo kari (使用語言)

Pskari Tayal, Plmukan

Snhei alang (宗教信仰)

Cituciyaw, Tencuciyaw

Pnyahan alang (部落由來)

Tnalang nii nTayal Squreqyacu Marikowa ( Mrqwang).

Spooda patis《Gaya nTayal》, mneniq Nantosen quri tdaya Paran Cuwelan. Bobo knbguran musa mtheruy meniq tiril sipo ruru Marikowan, kesun Ulawse.

Anu knsekuy ba niqul, knkkawas sliqan huda ka pnhmaan, duma seediq mtheruy mquri tdaya Suwetense meniq, 【Sinrecun Censusiyang Sincusen】, ma bobo na miicu yahun kmremux alang nCoawri, kbberih musa mtheruy thunac ruru Marikowan sipo tiril.

Pheyu kingal alang kesun Pasiyo, ma musa mtheruy meniq Sinrocun ruru Yoruwo, tnngayun naq Pasuse nana.

Bobo pncbuwan mndaha klangan, anu ppyahun mekuwang ka dheran nniqal, sptenga mlawa alang “Meyen”.

Alang Meyen Cong ge, meniq alang Meyen truma, kingal ngayan alang biciq ka kiya.

Pnyahan pnatas(參考資料)

• 內政部戶政司全球資訊網
• 原住民族委員會全球資訊網統計資料
• Matis Alang Meyuin Cong nii we, hlidan na Aking Nawi(黃美玉).