Hakaw utux

Pnyahan Wikipidiya

Hakaw utux (彩虹)[smmalu patas | ida npatas sspgan ka smmalu patas]

Daha hakaw utux.

Sbiyaw o rudan ta ita seejiq, srngaw niya balay laqi kdjiyax: mhuqil ka seejiq siida do, asi ka muda trima baga qsiya brah hakaw utux. Kiya ni qulung mnangal tunux pais ka snaw ni mkla balay tminun ka qrijil/kuyuh, muda trima baga siida, asi sriyu paah hiqur baga dha ka dara, saw nii ka seejiq o kisa tduwa muda hakaw utux ni musa msblaiq msupu utux rudan. Kiya ka kiya ni, saw ka ini angal tunux pais ka snaw, ini kla tminun ni miri ka qrijil/kuyuh, ini tduwa muda hakaw utux uri, sqada dha yayung ni wada asi uqi kmalang/karang hiya. Kiya ni, eiyux saw uda hakaw utux, snaw o asi ka musa mangal tunux pais, qrijil/kuyuh o asi ka mkla balay tminun ni miri. Rmngaw ka rudan ta duri, iya hmuc(t) tmiyu hakaw utux, yasa hmuc(t) ta tmiyu do o mha mhupung ka tduling baga ta da.

Hakaw Utux (靈橋)[smmalu patas | ida npatas sspgan ka smmalu patas]

Hakaw Utux rudan Truku sbiyaw o dmudug bi lqain dha. Utux rudan ta o gaga tmaga tnan sipaw pusu hiya.ssupu dhyaan ana bitaq knuwan. Saw nii ka rmngaw baki ni payi mu. Mhuqil ka seejiq o utux na ga asi muda hakaw utux bitaq ta utux hiya. Snaw Truku o asi ka murug gaya, mnangal tunux pais, kmlawa alang ni kmlawa sapah. Kuyuh Truku o asi ka murug gaya, mkla tminun smparu snaw smkingal lnglungan ni kmlawa sapah. Saw nii ka snaw ni kuyuh ga kika mtduwa muda hakaw utux. muda ta siida o trima baga kasi sa "ras" msa mhnang ni sriyu ka dara.saw nii ka seejiq o kika mtduwa mtaril hakaw utux. Dhuq sipaw mseupu utux rudan. Nasi ini sriyu dara ka baga seejiq Truku o ini dhuq maaTruku ka euda dha, kiya ni emptucing paah Hakaw Utux ni uqan karang ayu paru. Kiya do snaw o asi ka musa mangal tunux pais, kuyuh o asi ka mkla tminun ni miri uuda dha utux babaw mhuqil. Duri o "ini tduwa cyuun ka hakaw utux, skpudung tiuling baga," msa ka kari rudan. mangal tunux pais ni mkla tminun ni miri ka snaw ni kuyuh balay bi niqan embanah msa ka utux o mdrumut bi ga seejiq nii.kiya ka duwa hakaw utux. mnangal tunux pais mlukus embanah ka Mgay Bari .mdka miri hwinuk ni ptasan dqras. hakaw utux ni ptasan dqras patas dka bi hakaw msa. hakaw utux ni mlukus embanah mdka msa ka kari rudan.. Hakaw utux kika bhragun kndsan Truku. ptasan dqras ni lukus embanah dowriq mlngu hakaw. Paah kari rudan hakaw utux, mggaluk hi ka btasan dqras ni lnnamu dowriq qabang o mggaluk lnlungan utux rudan uri[1].

Rudan Truku sbiyaw o dmudug bi rmngaw lqian dha. “mhuqil” ka seejiq o utux na ga asi ka muda ptrima baga pusu Hakaw Utux hiya. Kiya o qulung mnangal tunux pais ka snaw ni mkla bi tminun ni miri ka kuyuh ga, muda ptrima baga siida, “ras” asi ksa sriyu paah hiqur baga dha ka dara. Saw nii seejiq o pdaun na Hakaw Utux ni mowsa tblaiq mniq tuxan. Kiya ka kiya ni ini angal tunux pais ka snaw, ini kla tminun ni miri ka kuyuh o, ini pdai Hakaw Utux uri. Psaun na yayung truma ni uqun Karang hiya, msa. Kiya do snaw o asi ka musa mangal tunux pais, Kuyuh o asi ka mkla tminun ni miri uuda dha Hakaw Utux babaw mhuqil. Duri o ini tduwa ciyuun ka Hakaw Utux, skpudung tluling baga msa ka kari rudan.[2]

Pnyahan pnatas(參考資料)[smmalu patas | ida npatas sspgan ka smmalu patas]

  1. 鐘王秀娟. (2011). Wikipedia 維基百科 族語詞條試寫─原住民族語詞條 2011作品集. 教育部.
  2. 金清山. (2011). Wikipedia 維基百科 族語詞條試寫─原住民族語詞條 2011作品集. 教育部.