Hadur ni Powda

Hadur ni Powda (馘首宴及贖罪) Hadur：Hadur sun o quri kingal na paru bi uqan Truku sbiyaw（dha na do Mgay Bari ni Mkan Pntrian）.duri o mimah hadur sun uri. Mkan hadur nii o mkan paru uqan nengalan tunux pais Truku sbiyaw, saw snaw o asi ka musa mangal tunux pais Seusa mangal tunux pais ka pusu na o, tg1、Smiyuk pais（mnangal tunux tnan） tg2、pgkla pnsrbangan； tg3、 emgeeluk kingal wauwa.； tg4、pkeungat mnarux meeru； tg5 smiyuk pndjiyan； tg6 aangal marung snaw； tg7 pnegkla pnhlisan wauwa； tg8 Asaw aangal lala uqun. tg9 pgkla gneguyan； tg10 msneayus dxgal； tg11 asaw patsan dqras.； tg12.psmlux hmili pqnaqih wauwa. Mangal tunux siida, ngalun ka tunux ni sangal btunux prqun ka tunux pais, ngalan ha ka luqi na ni snagan, kika dsun sapah da. tai saw empdhuq sapah do mlawa da, kingal tunux o pxal mlawa. Nasi aji mlawa o msqar puniq da, embhang saw nii ka kana seejiq alang dga,asi usa kana ni kuyuh mnangal tunux pais o musa smtrung snaw na mnangal tunux prihan na lukus. Kana seejiq mnarux o musa smtrung hiya ni pkmlii nami haya ka mnarux nami msa mgspung hyaan.Kiya do o managal pucing dnuuy gmangal tunux pais ida ki dara sgkuwa na babaw tunux mnarux seejiq ,kiya do malu ka mnarux dha da,（ki knmalu na hi siida.）, sinaw mahun mnangal tunux nii ka spiimah na mnarux do malu ka mnarux dha da. Ana pnaah isil alang kamnarux o gkwakan na harung hniru dha do malu mnarux uri. Babaw nii do dsun sapah da.dhuq alang sapah na do （mnangal tunux）miyah kana ka seejiq tnalang hiya, kika miyah mkan hadur hiya, rmgrig , mimah ni meuyas uri.Saw saman do o muda kngkingal sapah mnsa mangal tunux mqaras,rmgrig, mimah ni meuyas duri. Nhdaan bi do o musa sapah bukung da, siida do kana seejiq tnealang hiyao mgay babuy ni samat uri,m Kiya saan dha mseupu mqaras hiya mkan ni mimah sinaw bitaq mk4 jiyax. Prajinsknux do saan dha smku han, babaw na ungat knux do, tqrian dha sagu masu ni saan smku paga skuan tunux da. Masu gaga tqrian tunux hiya o kika ngalun emu ssapuh mnarux. Burux smbrangan bneytaq pais o tqrian dha emu masu uri, kika ngalun dha emu masu ssapuh uri. Ma ksun hadur o dgdhadur mkan, nii o ana ququ mkan lala ni mimah lala, mnlala mkan, kika ksun 『Hadur』. Wana mkan hadur nii ka mnlala mkan. Saw ka Mgay Bari ni mkan Pntrian o pxal balay kiya . Powda sun o muda pqhdu gaya pnegklaan kari risaw ni wauwa. Quri musa tmsamat o smmalu sun kiya. Quri pntquan o smahug sun kiya.

參考文獻

• 金清山. (2011). Wikipedia 維基百科 族語詞條試寫─原住民族語詞條 2011作品集. 教育部.